خضدار: خضدار،قومی شاہراہ پر ٹریفک حادثہ ایک خاتون سمیت دو افراد جاں بحق اور خواتین و بچوں سمیت9 افرادزخمی ، حادثہ کار اور رکشہ میں تصادم کے باعث پیش آیا، جاں بحق اور زخمیوں کولیویز اہلکاروں نے ہسپتال پہنچایا، بعض کی حالت تشویشناک بتائی جاتی ہے تفصیلات کے مطابق جمعہ کے روز خضدار سنی کے قریب قومی شاہراہ پر چنگ چی رکشہ سامنے سے آنے والی کار گاڑی سے ٹکرائی گئی جس کے نتیجے میں چنگ چی رکشہ ڈرائیور نادر گل ولد خان محمد قوم محمد حسنی سکنہ خیراوہ اور ایک خاتون (م) زوجہ عبدالقادر خیر آباد خضدار جاں بحق ہوگئے۔ جب کہ چنگ چی رکشہ میں سوار مسما((ا)مسماۃ(م)مسماۃ(گ)مسماۃ(آ) ساکن خضدارزخمی ہوگئیں۔ جب کہ کارگاڑی میں بارک محمد ولد محمد یاسین، اعجاز احمد، ابراہ ، مسماۃ(ا)ساکن کچلاک اور شیرمحمد ساکن کراچی زخمی ہوگئے ۔ جنہیں فوری طور پرلیویز اور پولیس موبائل گاڑیوں میں ٹیچنگ ہسپتال خضدار پہنچا یا گیا اور ابتدائی طبی امداد کے بعد زخمیوں کو کراچی اورکوئٹہ روانہ کردیا گیا ۔ جب کہ مرنے والوں کو ان کے ورثاء کے حوالے کیا گیا۔
