سبی: لاہور سے کوئٹہ جانے والی اکبر خان ایکسپریس تباہی سے بچ گئی ریلوے گینگ مین کی نشاندہی پر ایف سی نے ناڑی پل کے قریب کوئٹہ سبی ریلوے لائن پر نصب12کلو گرام برآمد کرکے ناکارہ بنا ڈالا تین مشتبہ افراد کو حراست میں لے لیا گیا تفصیلات کے مطابق سبی کے علاقہ صدر پولیس تھانہ کی حدود میں ناڑی پل کے قریب کوئٹہ سبی ریلوے ٹریک پر ریلوے لائن کی حفاظت پر مامور ریلوے گینگ مینوں کی نشاندہی پر ایف سی سبی نے ریلوے ٹریک پر نصب12 کلو گرام وزنی ریموٹ کنٹرول بم بمعہ بیٹری ڈیکونیٹرز کو برآمد کرکے ناکارہ بناڈالاشک کی بنیاد پر تین مشتبہ افراد کو بھی حراست میں لے کر تفتیش شروع کردی گئی اس موقع پر سبی کمانڈنٹ سکاؤٹس کرنل احمد رضا، میجر اعظم میجر شہباز خان کے علاوہ اے ای این سبی محمد عباس بھی جائے وقوعہ پر پہنچے ریلوے لائن پر بم کی اطلاع ملتے ہی کوئٹہ سے آنے والی مسافر ٹرین جعفرایکسپریس کو مچ جبکہ کوئٹہ جانے والی اکبر خان ایکسپریس کو سبی اسٹیشن پر روک دیا گیا بعدازاں ریلوے ٹریک کو بحال کردیا گیا واضح رہے کہ کوئٹہ سے وارلپنڈی جانے والی جعفرایکسپریس اور لاہور سے کوئٹہ آنے والی نواب اکبر خان بگٹی ایکسپریس ٹریک سے گزنے والی تھی جو نشانہ بنانے سے بال بال بچ گئیں۔
لاہور سے کوئٹہ جانے والی اکبر خان ایکسپریس تباہی سے بچ گئی
وقتِ اشاعت : March 13 – 2016