پاک چین ءِ مالی راھداری ءَ را اگاں پاکستان ءِ بحتءِ بدلینوک گشگ بوھگان اِنت گڈا رد نہ اِنت پرچکہ کرپشن ءُُ ناشری ءِ آماچیں پاکستان ءِ آکبت اے حاترا گوں اے کار ( منصوبہ) ءَ بندوک اِنت کہ 2020 ءَ سرجم بوھگ ءَ پد پاکستان ءِ نوکیں دروشمے دنیا ءِ دیم ءَ کیت ءُُ دنیا ءَ پاکستان ءِ اے نوکیں دروشم ءِ حاجت بیت بلئے اے نوکیں دروشم ھما وھد ءَ سرجم بوت کنت کہ اے راھداری پہ ایمنی ءُُ دل سپائی ءَ سرجم بہ بیت اگاں نہ بوت گڈا نہ ایوکا پاکستان مالی جاور نہ گیگ ءُُ گنتر بنت بلکیں ءَ سیاسی ءُُ راجمانی جاور ھم دست ءَ دربوت کن اَنت ءُُ اے گمان اِنت کہ اے راھداری ءِ بے سوبی ءَ پدناشری ءِ حلاپ ءَ حکومت جنگ بے سوب بہ بیت ءُُ پدا وتی سرا چست بکنت زاھر انت کہ پاکستان ازلی ءُُ دائمی بدواہ ءُُ دشمن بھارت ھچبر نہ لوٹ اِت کہ اے راھداری پیش بندی سوبین بہ بیت پمشکہ بھارت چہ اولی روچ ءَ گوں افغا نستان ءِ ھواری ءَ ایران ءَ سکین دھیگاں انت۔ پاکستان ءِ دومی بدواہ ءُُ دشمن ملک افغانستان اے پندل ءَ گوں بھارت ءَ ھوار انت کہ آ ایران ءِ چابہارءِ پیش بندی کاراں پاکستان چین ءِ راھداریءِ بے سوبی ءَ ھاترا کمک کنگان اَنت ۔بلئے اے درگت ءَ وشیں حال ایش انت کہ پاکستان ءَ ایران ءِ سفیر مہدی ھنر دوست( بازیں روتاکانی رد ءَ ) ءَ پاکستان چین راھداری ءَ ھوار بوھگ ءِ دلمانگی دراکتگ کہ اے پاکستانی دائمی بدواہ ءُ دشمن افغانسان ءُُ بھارت ءِ پندلانی بے سوبی ءِ جواب انت بلئے بھارت ءُُ افغانستان ءِ اے پندل ھما وھد ءَ بے سوب بوت کن اَنت کہ پاکستان وتی برات، ھمساھگ، دوست، اسلامی ملک ایرانءِ اے دلمانگی ءِ سرا چار ءُُ بچار بکنت۔ اول ایران ءَ اے پیش بندی ھوار گیجگ ءَ پا کستان ءِ برات، ھمساھگ، اسلامی ءُُ دوست ملک ایران چہ پاکستان ءِ دائمی دشمن افغانستان ءُُُ بھارت سان ءُُ ناساں درکپیت دومی ھرچ بیپارے کہ چہ واھگھ طور خمءُُ چمن بارڈر ءَ بوھگان اِنت آ گوں ایران ءَ بنا کنگ بوت کنت پرچکہ اے وھد پاکستان ءَ ءُُ پہ گچینی بلوچستان ءَ ھرچ گورا ءِ ’’ ایجنٹے کہ دزگیر بوھگان اِنت اے دراھیں ایجنٹ چہ طور رخم ءُُ چمن ءِ بارڈر ءَ پاکستان آھگان انتءُُ ناشری کنگان اَنت کہ چہ آئی ءَ پاکستان ءِ نام ءُُ شرپ ماں دنیا ءَ حراب بوھگان اِنت اے بابت ءَ صوبہ خیبر ءِ وزیر اعلیٰ پرویز خٹک ءَ یک ءُُ دو روار میڈیاٰا ءِ دیم ءَ گوں وفاقی جکومت ءَ دست بستگ ءُُ پریات کتگ کہ اگاں صوبہ خیبر ءَ ایمنی لوٹ اَنت گڈا طورخم بارڈر ءَ بند بکن اَنت دومی نیمگ ءَ بلوچستان ءُُ اے این پی ہم یکشل ءَ چہ وفاقی حکومت ءَ دزبندی ءَ اَنت کہ چمن بارڈر بند کنگ بہ بیت پرچکہ بلوچستان ءَ سلاہ کابلی گاڑی ءُُ ڈرگز چہ ھمے راہ ءَ پاکستان ءَ پیداک اَنت اے درائیں جاورانی پیش درءَ کہ اے وھد ءَ ایران ءِ حکومت ءَ وت جار جتگ کہ پاک چین مالی راھداریءَ ھوار بوھگ لوٹ ات گڈا بائدیں وفاقی حکومت اے بابت ءَ زوت گامگیج بزورایت ایران ءِ حکومت ءَ ایوکا راھداری ءَ ھور بگیج ایت بلکہ گوں ایران ءَ بارڈر ٹریڈ معاہد بکنت چرے معاہدہ ءَ پاکستان چہ افغانستا ن ءُُ بھارت ءَ گیشتر بیپاری نپ ءُُ سیت دست ءَ آورت کنت دومی گوں واھگہ طورخم ءُُ چمن بارڈر بند کنگ ءَ پاکستان ءَ ’’را‘‘ ءِ ایجنٹانی آھگ ءِ در ھم بند بیت دومی دست ءَ کہ پاکستان ءَ ٹارگٹ کلنگ ،ناشریءُُ آوار جنی ءِ ویل ھم ھلاس بنت پرچکہ اے کارانی حاترا کارمرز بووکیں کابلی گاڑی ءُُ چہ افغانستان ءِ راہ آوکئیں بھارت ءِ سلاہ پاکستان آتک نہ کن اَنت اے وڑا یک کسانیں گامگیجے ءَ نہ ایوک مہلوک ءِ جان چہ بھارت ءِ ایجنٹ ءُُ افغانستان ءِ بے کاگدیں گاڑی ، سلاہ ءُُ ڈرگز ءَ چٹ ات بلکیں دومی دست ءَ گوں ایران ءَ بیپار ءِ بنا کنگ ءَ پد پاکستان ءِ روکپتی بارڈر چہ ترس ءُُ بیم ءَ ھچ رک ایت۔
azadibalochi@gmail.com
