کوئٹہ: پنجگور میں فائرنگ کے واقعات میں دو افراد زخمی ہوگئے۔ پولیس کے مطابق پنجگور کے علاقے خدا بدان میں قبرستان کے قریب نامعلوم افراد نے ایک گاڑی پر فائرنگ کردی جس کے نتیجے میں تسپ کا رہائشی حنیف ولد موسیٰ زخمی ہوگیا۔ ایک اور واقعہ پنجگور کے علاقے عیسئی میں پیش آیا جہاں مسلح افراد کی فائرنگ سے وحید احمد ولد عبدالنبی سکنہ خیر پور سندھ زخمی ہوگیا۔ دونوں زخمیوں کو سول اسپتال پنجگور منتقل کردیا گیاتاہم فائرنگ کے دونوں واقعات کی وجہ معلوم نہ ہوسکی۔
