سی پیک حکومت ءُُ ایندگہ گلانی میان ءَ یک مانگشتگیں جیڑ ھ ئے ۔کے پی کے حکومت راجمانی گلاں اے پیش بند یءِ ھاترا زمین ءِ دئیگ ءَ پکا جواب کتگ ءُُ گشتگ کہ اگاں آہانی لوٹ منگ نہ بوت انت ءُُ سی پیک ءَ کے پی کے ءِ بہر دئیگ نہ بوت گڈا آ وتی زمین ءَ ھچبر نہ دئیت ( خدا بلوچ لیڈراں توفیقے بدنت) بے ریائیں مالیاتی زانتکارانی لیکہ انت کہ چین مالی نپ ءُُ سیت ءِ ھاتر ءَ پاکستان ءَ مزکاری کنگان انت ۔پنجاب ءِ وزیر اعلیٰ ءِ ھمک ماہ ءِ چین ءِ تروتاب پہ ھمے نیمون ءَ بوتگ انت پرچکہ چین کسا س 37ارب ڈالر ءِ مزکاری ایوکا پنجاب ءَ کنگ ءِ اردہ کتگ ۔ایوک ءَ اے ھاترا کہ پنجاب چین ءِ مزکاراں بنکی سپری ءُُ ایندگہ آسراتی پہ گچینی ھنرمندیں مردم دئیگان انت کہ بلوچستان ءُُ کے پی کے ءِ وسءَ درانت۔
زاھر انت چین ءَ کر ءَ ھنچو وھد ءُُ تمبل نیست کہ پیسرا بلوچستان ءُُ کے پی کےءَ دگ ءُُ سڑک شر بکنت ءُُ پدا مردماں پہ کار ءَ ھیل بدنت ءُُ نوں ماں اے صوبہاں مزکاری کاراں بنا بکنت۔وھدیکہ اے دراھیں چیز پہ چین ءَ ماں پنجاب ءَ پیسرا ساڑی انت چین ءِ مزکار ءُُ پنجاب ءِ حکومت ءِ میان ءَ اے معاہدہ ءَ باز پیسرا بوتگ انت نوں ایوک ءَ اے درچ ءَ کار بنا بوھگی انت پمشکہ اے بابت ءَ گیشیں جاک ءُُ کوکار زلورت نہ انت۔پاکستان ءِ کماش ( صدر) ماں کوئٹہ ءَ یک آروسی مراگاھے ءَ کہ آتکگ ات ھمے پاداں آئی ءُُ گوں احوالکاراں گند ءُُ نند ھم کت بلکیں ھال ترانے ءَ تران ھم کت ءُُ اے پدر ءُُ زاھر کت کہ چین ءِ حکومت ءُُ سراکاراں اے سوڈگ کتگ کہ آ پاکستان مزکاری کنگءِ ھاترا ھستیں آسراتی ءُُ ھستیں دگ ءُُ سڑکاں کارمرز کن انت ءَ اگاں آکبتءَ حاجت بوت گڈا آ ھمے آسراتیاں دیمروئی دئینت ۔چرے گپ ءَ پدر بیت کہ گوادر ھما دگ کہ بلوچستان ءُُ گوں ایندگہ شہراں ھوار گیج انت آسر جم کنگ نہ بنتءُُ اگاں اے درچ ءَ سڑکے جوڑ ھر کنگ بوت گڈا آ سی پیک ءِ بہرے نہ بیت چین تیاب دپی دگ ءَ کارمرز کنت ءُُ درت ءَ اے تیاب دپی دگ ماں اوتھل گوں سپرھائی وے ءَ ھوار گیجگ بیت تنکہ اے دک گوں ملک ءَ ھوار گیجگ بہ بنت اے وھد ءَ ھرچے دگے کہ جوڑ بوھگان انت اے دراہ کوھینں پیش بندی انت ایشاں گوں سی پیک ءَ ھچ وڑیں سیادی نیست زوب گوادر دگ ناں ھست انت ءُُ ننکہ ھچبر جوڑ بیت ڈیر،اسماعیل خان ،ژوب کوئٹہ دگ یک کوھیں دگے کہ ایشیء، سرا وھد وھد ءِ سرا کاربیت نوں زانگ نہ بیت چین ءِ حکومت ءُُ مزکاراں ایشیء۔ سی پیک ءِ نام پرچہ داتگ ۔چین اے وھد ءَ چہ دراھاں پیسر ریل ءِ راہ ماں تہران ءَ سر بوتگ ۔
چریشی ءَ پد چین ءَ اے سوڈگ کتگ کہ آ ماں چاہبار ءَ یک صنعتی شہرے جوڑ کنت ۔چاہ بہار ءُُ گوادر ءِ میان ءَ دراجی ایوکا 72کلومیٹر انت پاکستان ءِ حکومت ءَ گوادر ءِ تیاب بندگ ءُُ پراہ ءُُ شاھیگان کنگ ءُُ ایشیءِ کش ءُُ گورانی ھستیں دمگانی صنعتی ءُُ بیپاری جاھاں جوڑ کنگ ءِ دراھیں ڈبہ چین ءَ را داتگ ۔چین گوادر بالی پٹ ءُُ گروک گس ( بجلی گھر) ھوں جوڑ کنت ۔بلوچستان ءِ حکومت ءَ وفاق ءِ گشگ ءِ سرا چین ءَ را گوادر ءَ زمین داتگ ۔بالی پٹ ءِ کار زوتاں بنا بیت ءُُ سے سال ءِ میان ءَ سرجم بیت ۔چین گوازدر چو ٹھیکہ دارے وڑا کار کنت ءُُ ایشیءِ گوں سی پیک ءَ ھچ وڑیں سیادی یے نیست چین ءِ حاترا گوادر ارزشت بازیں دھکاں پد بوت کنت اے وھد ءَ گوادر چشیں ارزشتے گندگ نہ بیت ۔اے وھد ء۔ چین گوادر ءَ را ایوکا مالیات نپ ءُُ سیت ءِ ھاترا کارمرز کنگ لوٹ ایت ۔اے جاورانی تہاچین اے دمگ ءِ دراھیں ملکاں راضی کنگ لوٹ ایت اے درچ ءَ دگہ ملکے ءِ حاترا چین ھچبر گوں بھارت ءَ وتی سیادیاں حراب کنگ نہ لوٹ ایت پرچکہ اے وھد ءَ چین گوں بھارت ءَ 140 ارب ڈالر ءِ دونیمگی بیپار ءَ دلگوش انت۔
پمشکہ سی پیک دیم ءَ روگ ھالو ھالو نہ بیت۔پمشکہ پاکستان ھستیں نواز حکومت ءَ گلگت بلستان ءَ پاکستان ءِ یک صوبہ یے جوڑ کنگ ءِ جہد کت بلئے بازیں زوراوراں حکومت سوبین بوھگ ءَ نیشت ۔گلگت بلستان کشمیر ءِ مانگشتگیں ھندے کہ اودا سی پیک ءَ گوزگی انت باز مردم اے لیکہ ءَ دار انت کہ اے ھڈ ءُُ مانگشیانی تہا سی پیک ءِ دیمروئی سک گران انت بلئے پنجاب ءُُ بلوچستان ءَ چین مزکاری ھچ ھڈ ءُُ کڑ ءِ آماچ نہ انت اے ایوک ءَ دو ملک ءِ میان ءَ انت دگہ کسے یا گلے یا ملکے ھو پریشی ءَ پریشان ءُُ تکانسر نہ بیت۔
