لاہور: قومی کرکٹر احمد شہزاد نے سماجی رابطوں کی ویب سائٹ ٹویٹر پر صارفین سے رابطہ کرتے ہوئے لکھا کہ انھیں اپنے مداحوں سے بات چیت کئے بہت وقت گزر گیا ہے۔ احمد شہزاد کا ٹویٹ کرنا ہی تھا کہ کرس گیل نے انھیں جوابی ٹویٹ میں مذاق کا نشانہ بناتے ہوئے کہا کہ ” پاکستان کیلئے کیوں نہیں کھیل رہے؟ دوبارہ اتنی زیادہ سیلفیاں؟“ کرس گیل نے مزید کہا کہ ”پاکستان ضائع تم جیسے قابل کھلاڑی کو ضائع کر رہا ہے، میدان میں اور میدان سے باہر میں تمہاری صلاحیت کی قدر کرتا ہوں، لیکن مجھے ایک سیلفی لینے دو“۔
واضح رہے کہ پاکستان کی جانب سے گیارہ ٹیسٹ، 75 ون ڈے اور 44 ٹی ٹونٹی میچز کھیلنے والے اوپنر بلے باز احمد شہزاد کو ان کے رویے اور نظم وضبط کی وجہ سے دورہ انگلینڈ سے ڈراپ کیا جا چکا ہے۔ پی سی بی کے چیف سلیکٹر انضمام الحق نے اس بات کا اعلان ایک پریس کانفرنس میں کیا تھا۔ دوسری جانب موصوف کرس گیل بھی ورلڈ ٹی ٹونٹی اور حالیہ انڈین پریمیر لیگ میں کوئی خاطر خواہ کارکردگی دکھانے میں ناکام نظر آ رہے ہیں۔
