قلات : بلوچستان کے ضلع قلات میں گاڑی کو حادثہ، خاتون جاں بحق،تین بچوں سمیت چار افراد زخمی ہوگئے۔تفصیلات کے مطابق قلات میں سمندر زبر آباد کے قریب آر سی ڈی شاہراہ پر سرف گاڑی تیز رفتاری کے باعث بے قابو ہوکر الٹ گئی ۔گاڑی میں تربت کے رہائشی ایک ہی خاندان کے افراد سوار تھے۔حادثے کے نتیجے میں گاڑی میں سوار ایک خاتون موقع پر جاں بحق ہوگئی جبکہ تین بچوں سمیت چار افراد شدید زخمی ہوگئے پولیس اور موٹر وے پولیس کے اہلکاروں نے لاش اور زخمیوں کو فوری طور پر ڈسٹرکٹ ہیڈ کوارٹر ہسپتال منتقل کردیا جہاں پر زخمیوں کو طبی امداد دینے کے بعد مزید علاج کیلئے کوئٹہ منتقل کردیا گیا ۔ جبکہ لاش ضروری کاروائی کے بعد تربت روانہ کردیا گیا۔
