زند ءِ جیڑگاں گنجیں
وھد موکلے لوٹیت
دمک مرچاں ھالیگ اَنت
برمشے اوں نہ دنت گواھی
رھگوزی مساپر تو
دل مجنت بہ گوز راھا ں
یا ھداھذابانی دور ءَ انچوتالان کن
داں سباہ ءُُ نیم بیگاہ
انچو زنزرگ وش اِنت
تام کچلیں شہداں
زاہ ءُُ بد ، بہ بیت دائم
مئے مروچی ملک ءَ را انچیں مُلّایے درکار
کیسگ ءَ بہ کن چرسے ،دیم ءَ پاکیں سی پارہ
نوں برو بگش راھاں ،کاروان ءَ دم برتگ
نیست یک سروکے مئے بزگلاں بشوھازیت
دیم ءَ برتگ انساناں
جند ءِ استی ءِ بستار
ما کجاچہ دربیاراں باتن ءَ ھُداھانی
مرچی کول ءُُ اکرار اِنت
مہر ءُُ دوستی ءُُ ساہ ءِ
باندہ ھرکس بیت راھے
بس کن گال ءُُ گپتاراں
