گوستگیں دوسال اِنت’’ یواین ایچ سی آر ‘‘کہ میان استمانی گلے آ مہاجرانی لوگاں سر کنگ ءِ ھاتر بلئے ایشیءِ پاکستان ءِ تہا یک بدیں ءُُ لس دژمنیں کردے پیلو کتگ۔آئیءِ بنکی کارافغان مہاجرانی وتی لوگ بزاں افغانستان ءَ سر کنگ اِنت پرچکہ افغاناں وتی حکومت ءَ چہ ھچ ترس ءُُ جنجالے نیست اِنت پرچکہ آھانی حکومت لس ووٹاں چہ جوڑ کنگ بوتگ پمشکا یو این ایچ سی آر ءِ اے ذمہ واری جوڑ بیت کہ آ افغان مہاجراں زوتاں چہ زوت لوگ ءَ راہی بہ کنت ۔بلئے گوں پاکستان ءِ مہلوک ءَ گوں دگہ چیر اندریں دست ھواری یے حکومتِ پاکستان ءَ را ھمے زور دئیگ اِنت کہ پاکستان ءِ تہا استیں افغان مہاجراں نہ ایوک ءَ پاکستان ءَ نندگ ءَ بِل بلکیں ایشانی پاکستانی شہرایت ھم دئیگ بہ بیت پرچکہ اے افغانی گوستیں سی ءُُ پنچ سال انت کہ پاکستان ءَ نندوک اَنت ۔
بندات ءَ میان استمانی گل ءَ افغان مہاجرانی پاکستان ءِ نند گ ءِ سرا زور داتگ اَت بلئے حکومت ءِ مردمانی ملام ءُُ زور کنگ ءَ رند ءَ آئیءِ وھد ءِ تلب کت ءُُ داں روچ مرچی انگت ءَ وھد ءِ تلب جار ی انت ۔میان استمانی گلانی ھمے جہد انت افغان مہاجر پاکستان ءِ تہا بہ بنت ءُُ اے تک ءَ آھاں ھر وڑیں ھربہ ءُُ ھئیل ءُُ مکر ءُُ لہتیں نامداریں مردمانی کمک ھم گپتگ ات بلئے گڈی ءَ ھمے شور کنگ بوتگ افغان مہاجراں ہر ھساب ءَ چہ پاکستان ءَ در کنگ بیت ۔سی ءُُ پنچ سال گوزگ ءَ رند اوں پاکستان حکومت ءَ ایشاناں شہرایت ءِ درجگ نہ داتگ ءُُ آوکیں وھد ءَ اوں ایشاں شہرایت ءِ درجگ دئیگ نہ بیت ۔اگاں میان استمانی گل چو کت نہ کنت گڈاں ایشیءِ گڈی وڑ اے بوت کہ آ افغانستان ءِ تہا پہ اے مہاجراں دگہ کیمپے جوڑ بہ کنت ءُُ درائیں مہاجراں ھمے کیمپاں جاہ منند بہ کنت داں ھما وھد ءَ کہ اے مہاجروت وتی لوگاں برو اَنت ۔بلئے ایشاں چہ پاکستان ءَ در کنگ بہ بیت پرچکہ پاکستان ءِ معاشی جاورال ایشانی گران باری ءَ گیشتر اوپار کت نہ کنت ھمے مہاجراں پاکستان ءِ یک لکھ ءَ برز جوان تریں پوسٹ اوں نام ءَ کتگ انت،کہ اے پوسٹانی اولی ءُُ بنکی ھک پاکستانی مردمانی بوتگ،پاکستان ءِ حکومت ءُُ آئیءِ لس مہلوک اے چیزءِ ذمہ وار نہ اَنت کہ پیسر افغانستان ءِ معاشی جاوراں شر بہ کنت،پدا مہاجراں کار ءُُ روزگار بدنت،ءُُ رند ءَ ھمے مہاجراں آھانی لوگ ءَ ھم وتی ھرچ ءُُ درچ ءَ سر بہ کنت۔
میان استمان گل بیست ءُُ پنج ارب ڈالر کلدار پہ افغانستان ءَ جاری جنگ ءَ پہ دئیگ ءَ ساڑی اِنت بلئے اے مہاجراں آھانی لوگاں سر کنگ ءَ پرچکہ ساڑی نہ بیت؟بائد اِنت حکومت میان استمانی گلاں گوں یک وارے پدا افغان مہاجرانی وتی لوگاں سر کنگ ءِ بابت ءَ تران بہ کنت ءُُ پاکستان ءِ لس مہلوک چرے گپ ءَ وش انت کہ پاکستان ءَُ افغانستان ءِ ھد ءُُ ابیلانی ترند ءَ گوں چارءُُ تپاس کنگ بوھگ انت ءُُ دگہ دری مردمانی پاکستان ءِ تہا آھگ ءِ ھلاپ ءَ انگت ءَ ترند تریں گامگیج زورگ بہ بیت۔بلئے لہتیں مردمانی ھلاپ ءَ وھد ے کے پی کے ءَ کاروائی بوت گڈاں روبرکتی ھالرسانکی گلاں دنیا ءِ تہا اے منافکی بندات کت کہ پاکستان ءِ تہا افغان مہاجرانی سرا کاروائی کنگ بوھگ ءَ انت بلئے آچہ اے ھبر ءَ بے زانت انت کہ ھما مردمانی سرا کاروائی کنگ بوتگ کہ آھاں ملک ءِ کانودانی ھلاپ کتگ ءُُ ردیں پیم ءُُ پاکستان ءِ تہا دور کنگ ءِ جہد جتگ بائد یں چشیں مردمانی گر گ ءُُ زنداناں بند کنگ بہ بیت،ءُُ اے مردمانی سرا کہ کاروائی کنگ بوتگ ایشانی تہا یکے ءِ گور ءَ میان استمانی مہاجر بوھگ ءِ شاھدی نہ بوتگ ۔
