سوشل میڈیا ءَ دنیا ءِ تناب کش اِتگ ءُُ نز آورتگ اَنت مرچاں دنیا ءَ حال رسانی نہ ایوک ءَ سک پراہ ءُُ شاھیگان بوتگ بلکیں سک گشاد ءُُ کارہگی ھم بلئے اے درچ ءَ مرچیگیں دور ءِ بنی آدم چہ وتی اھوتی سیادہاں سستگ ءُُ رسانک ءِ چاگرد ءَ کاگدے کہ گوات ءَ گون اِنت پمیشکہ نوں ھدئےِ ءَ تکانسر اِنت ھم بلئے وتی میار ءَ(اخلاقیات) تانجو ءَ شُل کنگ نہ لوٹ ایت ھمے پشدر ءَ وتی اھوتی زند ءُُ چاگردی میاراں برجاہ دارگ ءِ ھاترا کانود ءُُ رہبندانی پشت ءَ اوشتگ دلمانگ اِنت بلئے اے درگت ءَ جیڑھ ایش اِنت کہ جہان ءِ بازیں زوراک چرآئی ءِ اے دلمانگی ءَ آئی ءَ بڈگ لوٹ اَنت اے درچ ءَ سائیبر ملام بل ۲۰۱۵ ءَ یک ہنچیں چزے کہ چرآئی ءِ باپشت ءَ آئی ءَ بڈگ ءِ جہد بوھگان انت ۔پرچکہ اے گپ وتی جاہ ءَ راست ءُُ تچک اِنت کہ بنی آدم ءِ اہوتی زند ءِ پاشک بوھگ ءُُ آتکانسر بیت بلئے سوشل میڈیا ءَ آئی ءَ چہ پیشی مردماں گیشت آجو ءُُ آزات کتگ زی بنی آدم پہ رسانک ءُُ ایندگہ مردمانی محتاج بوتگ بلئے مرچی بید جست ءُُ پرس ءَ آ وتی لیکھاں داں ایندگہ مردماں سرکت کنت البت ادا اے گپ راست اِنت کہ ھمے آزاتی آ پہ دگرے اہوتی زند ءَ دزمانجنی ءَ پہ کارمرز کنت بلئے گپ ایش انت کہ گوں کانود ءُُ رھبنداں اے اہوتی دزمانجنی دارگ بوت کنت ؟ اگاں نہ کنت گڈا اے بل ءُُ کانودانی ارزشت چے بیت؟ منسٹری آف انفارمیشن ٹیکنالوجی اینڈ ٹیلی کمنیکیشن اے بل ءَ چہ مردم چیا دلمانگ اَنت ؟ پرچکہ بازیں بلاگرز آئن لائن احوالکارانی گشگ ایش اِنت کہ بل پہ راجکاری ءُُ وتی جندی کینگاں کارمرز بیت پرچکہ اے بل کہ قومی اسمبلی ءُُ سینٹ کائمر کمیٹی ءُُ پاس کنگ بوتگ بید چہ مہلوک ءِ جست ءُُ پرس ءَ بوتگ کہ چہ آئی چاگردی ءِ تہا دگہ نوکیں تکانسری ودی بیت ملک ءِ تہا درشانیءِ آجوئیں رہبند یکبرے پدا نزآرگ بنت پرچکہ چرے بل ءَ اہوتی زند ءِ راز ءُُ پہنیامیان دارگ نبوتگیں گپے۔
