من شش روچ وداریگ اِتاں کہ من اسٹریم راجی میڈیا ءِ تہءَ من چدوگیشتر چیزے وانت بکناں کہ نامداریں کلمار ،شاعر ءُُ پولکار میر عبداللہ جان جمالدینی نود ءُُ چارسال ءِ امر ءَ کوئٹہ ءَ اے جہان ءَ را یلہ دات ۔پاگواجہ ممنون حسین ءُُ مزن وزیر بلوچستان نواب ثنا اللہ خان زہری ءَ آئی مرگ پہ بلوچی لبزانک ءَ مزنیں تاوانے سرپد بوت اَنت ۔بلئے من وداریگ بوتاں کہ اگہ میر عبداللہ جان جمالدینی ھنچو نامداریں مردمے ات گڑا آئی مرگ پہ لبزانک ءَ تاوان اِنت ۔آئی علمی کار ءُُ کرد یا لبزانکی ازمت اردو یا انگریزی میڈیا ءِ تہ ءَ پیش دارگ آئی مرگ ءِ بنیاد ی حال ءَ ابید گوستگیں شش روچانی تہ ءَ انچیں نبشتانک ،اداریہ یا انچیں مزنیں فیچر رپورٹ نہ گڑا انچیں خاصیں صورت ءَ نبشتانک یا کہ کسے روتاک یا چینل ءِ تہ ءَ گندگ نصیب بوتیں ۔بلئے گرانی ایش اِنت کہ چہ ہر کسی نام ءَ سرکاری پرس نامہ ( تعزیت) شنگ کنگ بوتہ کہ آہاناں جمالدینی صاحب ءِ وجود ءِ باروا ہما روچ ءَ سما کپتگ اَت ہما روچ ءَ آ مزنیں اگدھا دارانی گوش ءَ آئیءِ توار اتکگ اَت اے قرار ءَ گوانگ جنگ ءُُ گوشگ کہ مسٹر جمالدینی یک مزنیں مردمے بوتگ کہ آئی ھاتر ءَ چہ تئی نیمگ ءَ پرس نامہ ( تعزیت) ءِ شنگ کنگ ءَ بلوچستان ءِ سر ءَ وشیں اثر ے کپیت ۔
راجی چینلانی( بزاں اردو کرنٹ افیرز) معاملہ اے وڑ ءَ انت کہ چہ بلوچستان ءَ ہر وڑیں حال ءَ را اود ءَ انچو چارگ بیت کہ تو گشئے کہ گرمیں پٹاٹا ئے دست ءَ گرگ ءَ گوں دست ءِ تل سچیت کہ حالاں دیوک ءَ اے ہم مالوم نہ اِنت کہ مہمندایجنسی ءَ وت کش تراک ءِ تہ ءَ بیست ءُُ ھشت مردمانی شہادت ءِ ہیڈ لائن زیات ارزشت داریت یاکہ ملیر ءِ ایس ایس پی راو انوار ءِ معطلی ءِ حال گیشتر اہم اِنت ۔چہ ایشاں ایش امید دارگ کہ آیاناں گشگ ءِ باوجود جمالدینی صاحب ءِ کم از کم پٹی ئے پیش بہ داشتیں بقول اسد محمد خان ءِ ’’ انوکھا لاڈلا‘‘ کھیلنے کو مانگے چاند‘‘ ۔
ایش ملک ءِ تہ ءَ اے وڑیں درائیں نامداریں مردم کہ آیانی فوج،میڈیا ،سیاست یا نیکراہی ءَ ابید گوں دگہ جونیں ھم شعبہ ءَ تعلق بدارنت تسلہ تخشیں مردم نہ بنت ۔آیانی اردو یا انگریزی ءَ ابید دگہ ہم زوانانی تہ ءَ نبشتہ ،نندو پاد آئیگ انت بوت کنت کہ آ نامداریں مردم بنت بلئے ہمے وڑٰں مین اسٹریم ،وفاقی حالکار ءُُ زانتکارانی کش ءَ آ اعزازی ءُُ ربیدگی حساب ءَ مزنیں مردم بوت کن اِنت کمیں پگر بکنت اگہ احمد فراز ءِ نام غنی خان بوتیں انتظار حسین ابراپیم جویوبوتیں ،پروین شاکر ،نسرین انجم بھٹی بوتیں گڑا فراز ،انتظار ءُُ پروین ءَ کراچی ،لاہور یااسلام آباد ءِ تہ ءَ آ باد بوتگیں چنکس اوتھ کمشینر نفاز ،زانتکار یا ادبے ئے دیم مانگیت ؟
میر عبداللہ جان جمالدینی آ وھد ءَ ہر کس ءَ ناکس ءَ پجاروکی بوت اگن آ رانا ثنا اللہ بوتیں یا اسلام آباد ءَ تاں پچن کلاک ءَ گوں یک کلاشنکوف ءَ بندی جوڑ کنوکیں ملک سکندر بوتیں ،مبشر لقمان بوتیں حمید گل بوتیں ،ملک ریاض بوتیں،طایر القادری بوتیں یا کم از کم ھما مردم بوتیں کہ آئی سر ءِ قیمت پنچ لکھ کلدار ءِ انعام ایر کنگ بوتیں انوں تو اگہ داد ءُُ صلحہ ءِ پداتچگ ءِ بدل ءَ وتی ازم یا چہ کار ءُُ کرد ءَ چاگردی ءُُ سیاسی نیمگ ءَ برزی سطح ءَ دلگوشی ءَ مان نہ گیجگ ءِ بدل ءَ حاموشی ءَ تڈنیف و تالیف ءُُ پولکاری ءِ تہ ءَ وتی سرجمیں زند ضائع کنگ پہ اے ڈولیں زوان ءَ کہ کسے آئی ءَ را سر پرستانہ لہجہ ءِ تہ ھدائی زوان گشگ بیت انت گڑا کئے زانت ءُُ چتور نامدار گشگ بیت۔
میر عبداللہ جان جمالدینی بابائے بلوچی گشگ بیت ( چوشکہ اردو زوان ءِ تہ ءَ مولوی عبدالحق اِنت) تا ھشت مئی نوزدہ سد ءُُ بیست دو ءَ نوشکے ءِ یک میتگے ءَ ودی بوت ۔ وانگ ءُُ زانگ چہ کوئٹہ ءَ دربرتے ،گریجویش چہ اسلامیہ کالج پشاور ءَ کرتے ،نوزدہ سد پنجاہ ءُُ سہ ءَ نائب تحصلیداری ءِ سرا پیٹ کرت ءُُ بلوچی لبزانک ءَ ھمگرنچی ءُُ آئی ءِ چکنکاری ءَ گوں مدام ھمگرنچ بوت ۔زند ءِ گیشتریں بہرے کراچی کوئٹہ ءُُ نوشکے ءَ گوازینتگ اَت ۔پروگریسو رائٹرز ایسوسی ایشن ءِ تہ ءَ دیم ءَ بوتگ نیشنل عوامی پارٹی ءَ گوں نزیکی یے داشتگ اَت ۔ چہ کراچی ءَ مشک ءِ نام ءَ ماھتاکے شنگ کائینت ئے پدا نوائے وطن ءُُ سنگت ءِ نام ءَ کہ بلوچی لبزانکی ماھتاک درکپتگ اَ آہانی پشت ءَ رھشونی ارواح جمالدینی صاحب ءِ بوتگ اَت ۔اے درائیں فیض انت عبداللہ جان جمالدینی ءِ شہ درشان نمیرانیں کار آ بلوچستان یونیورسٹی ءَ بلوچی زوان ءِ لسانیاتی شعبہ ءِ بنیات ءَ ایر کنگ ءَ انت ایش انچیں تومے ات کہ مروچی یک درچکے اے ڈولیں درچک کہ آئی ءِ نہال ءَ یک پیر مردکے ءَ کشتگ اَت کہ آئی کش ءَ اوشتوکیں چکے جست کرت بابا ترا اے نہال ءِ کڈ کنگ ءَ چے فائدگ ئے رسیت ؟ تانکہ اے میوگ دئیگ ءِ قد ءَ سر بہ بیت آ وھد ءَ تو نہ اوشت ئے پیر مرد ءَ پسو دات کہ تو است ئے اے میوگ ءَ بور ءُُ پدا ہمے ڈولیں یک دگہ درچکے رودین ءُُ پدا برو۔۔۔۔
جمالدینی صاحب پیر ءُُ نزور بوھگ ءَ ابید نہال جنگ ءَ چہ وتی دست نہ کنزاِتگ اَت نوزدہ سد ءُُ نود ءُُ سہ ءَ سریاب روڑ کوئٹہ ءَ یک لوگے ءِ تہ بلوچستان فرائیڈے پارٹی ءِ نام ءَ ہفتگی لبزانکی مچی ءِ بندات بیت کہ آئی توک ءَ کوئٹہ ،خاران ،مکران ،کراچی ءُُ دگہ ھند ءُُ دمگانی مہلوک بہر زورگ ءَ سوگاتے سرپد بیت ۔ ہرکس کہ ہرچی گشگی بوتیں گوں دل ءِ ھب ءَ گشتے ءُُ جمالدینی صاحب دل ءِ جہلانکی ءَ آئی ءَ را گوشداشت ۔وھدیکہ نوزدہ سد ءُُ نود ھشت ءَ نواز شریف ءَ آدینک ءِ چھٹی ھلاس کنائینت گڑا بلوچستان فرائیڈے پارٹی ہم بلوچستان سنڈے پارٹی جوڑ بوت ( بلوچستان ءِ تہءَ اے اولی ایں پارٹی ات کہ ایش کدی ہم پردگ ءِ پشت ءَ وت ءَ چیر نہ داتگ بلکیں دیم ءَ در ءَ بوتگ ایشیءَ را کسے بہر ءُُ بانگ کنگ یا ایشیءَ را پروشگ ءِ باروسوچ ھم نہ جتگ انوں اے آزمائش ءِ گپ انت کہ جمالدینی صاحب ءِ روگ ءَ پد بلوچستان سنڈے پارٹی ءِ دیمترا مستقبل چون بیت؟) میر عبداللہ جان جمالدینی ءِ کار ءُُ کرد ءُُ شخصیت ءِ بارا وفاقی سطح ءَ نامداری ءِ ثبوت ایش اِنت کہ پاکستان اکیڈمی آف لیٹرز اسلام آباد ءَ ’’ پاکستان ادب کے معمار‘‘ ءِ نام ءَ چہ ہر نامداریں اردو یا علاقائی زانتکار ءُُ شائر ءِ سر ءَ یک کسانیں کتابے شنگ کنگ ئے سلسلہ بندات کرت ایشیتہ ءَ یک کتابے جمالدینی صاحب ءِ سر ءَ است اِنت۔نوزدہ ستمبر دو ہزار شانزدہ ءَ جمالدینی صاحب ءَ نود ءُُ چار سال ءِ امر ءَ اے دنیا را یلہ دات ۔
