ڈھاڈر :کوئٹہ سے جیکب آباد جانے والی مسافر بس مچھ کے علاقے گوکرت کے قریب حادثے کا شکار ایک شخص جاں بحق دوخواتین،بچوں سمیت دس افراد زخمی ہوگئے ۔تفصیلات کے مطابق کوئیٹہ سے جیکب آباد جانیوالی مسافر کوچ نمبرJB0284بولان میں مچھ کے علاقے گوکرت کے قریب درازبینٹ کے مقام پر موڑ کاٹتے ہوئے تیز رفتاری کے سبب بے قابو ہوکر الٹ گئی جس کے نتیجے میں دو خواتین اور بچوں سمیت دس افراد زخمی ہوگئے جبکہ ایک شخص موقع پر جاں بحق ہوگیا ڈھاڈر لیویز نے جائے حادثہ پہنچ کر نعش اور زخمیوں کو سول ہسپتال ڈھاڈر منتقل کردیا جبکہ تین زخمیوں کو سول ہسپتال مچھ منتقل کردیا گیا ۔
