ما کجا پشکپتگاں باریں شتگ دنیا کجا؟
ماوت ءَ را جل اِتگ مئے سنگت ءُُ ہمراہ کجا
دل منی ٹپیگ چو تیروارتگیں مرگ ءَ زدگ
نوں ترئیت جان ءَ منی اے زیمی ایں ارواہ کجا؟
ہرکجا چو ملکموتم ءَ گوں بیت رندا منی
نوں کشیت باریں منی ءَ اے قاتلیں بدواہ کجا
شنگ ءُُ شانگیں انگت ءَ بے شوانگ ءَ چوکہ رمگ
منزل ءِ شوھازگ ءَ ما سرجنانان راہ کجاَ
کوہ ءِ سہر چمیں مزاراں بادشاہی یل کتگ
گوں من ءَ پجگ بیان اے جنگل ءِ روبا ء کجا؟
پراھی ءَ پرزونگے ءِ نز اتکہ کل جہان
چین ءُُ آ کاشگر کجا ءُُ گوادر ءِ دریا کجا؟
شیشگیں اندامے ءِ شیدا نباں چوں شے مریدؔ
من وتی زند ءَ نوں دیستہ اے وڑیں جلوہ کجا؟
