چاہ بہار: ایران ءِ ڈگاری ارد ءِ کماش ءَ جار پرینتگ کہ یک شمبئے ءَ ایرانی ارد سیستان ءُُ بلوچستان ءِ دمگ ءَ مزنیں جنگی ھئیل کاری یے بنا کنت کہ آئی ءِ مول ءُُ مراد وتی جنگی بود ءُُ ذکت ءِ چکاسگ اِنت ۔بریگیڈ ئیر جنرل حیدری ءَ ایران ءِ ریڑیو ءَ گشتگ کہ کہ جنگی ھئیل کاری چکاس داں سے روچ ءَ برجاہ بنت ۔اے جنگی ھئیلکاریاں ۲۳ زانتکاریں جنگی یونٹ ھوار بنت ۔اے جنگی ھئیلکاری ۲ لکھ کلومیٹر ءِ سرا کنگ بنت ۔اے دمگاں نیک شہر پاکستان ءِ سیمسرءَ نزیکیں شہر کنرّک ھوار اَنت اے جنگی ھئیلکاریاں ایران ءِ نوک تریں جنگی ساز و سامان کارمرز کنگ بنت گوستگیں جنگی ھئیلکاریاں ایران ءِ ارد ءِ جنگی بود ءُُ سنچ ءَ مزنیں گیشی یے گندگ بوتگ ۔اے گپ پدّر بہ بیت کہ ایران وتی درائیں جنگی ساز ءُُ ساماناں وت جوڑ کنت ءُُ پہ جنگی ساز ءُُ ساماناں کسی منت وار نہ اِنت ۔حیدری ءَ گشتگ کہ ایران ہرچ وڑیں جنگی بیم ءُُ ترسے ءَ ساڑی اِنت۔
