دیدگانی آسگواریں ساہتاں سرپد نہ اِنت
کس منی ذگریں زہیری گریوگاں سرپد نہ اِنت
تیوگیں دنیا چو پل ءَ سرپتگ ءُُ پیداور اِنت
ءُُ منی بے برکتیں دل برکتاں سرپد نہ اِنت
الم ءَ مرچاں گشئے دل پرش ءُُ پروش اِنت چہ وتا
بید وتی جند ءَ حدا ءِ نعمتاں سرپد نہ اِنت
من نزانتگ دل کئی مہر ءِ ملاراں گور جتگ
زلجلال ءِ اوں مروچاں قدرتاں سر پد نہ اِنت
پد جناں مرچی حیالانی وتی سوداگر ءَ
زندگی ءِ توشگانی قیمتاں سر پد نہ اِنت
زندگی است ءُُ حیاتؔ اِنت زائر اِنت دنیا یے ءَ
شاعر ءِ پجارگ ءَ اے کسہاں سر پد نہ اِنت
