نہ ساہگے نہ درچکے نہ وشیں آپسرے است
منزل منی وَ گاریں نہ راہ ءُُ رہسرے است
راہ ءَ من سرجناناں چہ بے زانتی ءَ وتی ءَ
شونے بدنت منارا نئے کہ یک رہبرے است
پرسیگ اِنت سجی ءَ ہلک میرچاکر ءَ را لوٹیت
ڈاچی کہ درنزگ ءَ اَنت نہ ہراں گوہرے است
امر ءَ گوں پیری ئیگ ءَ کوہان ءَ سرجناں بیت
راج ءِ گماں بہ ماریت نئے ملکیں اکبرے است
راج ءِ سروک مرت ءُُ گار بیتاں چہ جہان ءَ
نہ چاکر ءِ نشانے نہ میریں کمبرے است
اے دنیا مرچاں پہک ءَ چماں چہ کور ءُُ بنداِنت
کس نزانت نہ پہم ایت کہ بالاچ قادرےؔ است
