کروناس ءِ تحت ءَ ایر گیجگ ءَ پد ،سیہئیں چکاں ملکت وت ماں وت ءَ پہ ٹاس بہر ءُُ بانگ کت انت۔کستریں زیوس ءِ بہر ءَ آزمان کپت،پوسیڈن ءَ چیر بروت کندات پرچکہ آزمان ہورک ءُُ ہالیگ ات بلئے آئی ءَ زانت کہ باہندئیں زیوس ءَ پمشکہ آزمان دست گپت کہ سک برز اِنت۔نوں اے پوسیڈن ءِ باریگ ات ءُُ ہنچو کہ آ دلمانگ ات ءُُ آئی ءَ لوٹ ات کہ ز ر ءَ بکٹ اِیت ۔آئی ءَ زر درچت ،آ مدام پہ ہمیشی ءَ دلمانگ اَت ۔دنیا ءِ گیشتر راز زر ءَ چیر ات انت ءُُ پہ مہم ءُُ ھرّاں بستی ءَ جوانیں جاگہ یے ات ۔ حادث کہ بے بحتے ات آئی ءِ بحت ءَ زر ءُُ زمین ءِ چیری دنیا کپت زمین درایانی ہوریں میراث ات ۔آ زالبولیں دیھانی دست ءَ دئیگ بوت ۔پوسیڈن ءَ اولمپس یلہ دات ،وتی ملک ءَ آتک ءُُ نشت ،آئی ءَ ہما دمان ءَ زر ءَ پہ وت ءَ مزنیں ماڑی ہڑکت ءُُ لاس ءُُ الماسانی یک ڈولداریں تحتے جوڑ کت ۔آئی ءَ پہ وتی ماڑیءَ یک بانک پکار ات ۔آئی ءَ تھیٹس درچت کہ آپ ءِ زالبولیں دیھاں چے یکے ات ۔( نیم مائیگ ءُُ نیم زال) بلئے اے گشگ بوتگ ات کہ تھیٹس ءَ چہ ہرچ چکے ودی بہ بیت آ چہ پوسیڈن ءَ مستر بیت ۔پمشکہ پوسیڈن ءَ دگہ جاہ یے جہد کت ۔گشتن راست بوت ۔تھیٹس ءِ چک ارکلس بوت ۔پوسیڈن ءَ دگہ آپی دیھہیں زالبولے درچت کہ آئی ءِ نام ایمپی ٹرائیٹ ات ۔بلئے چو وتی برات زیوس ءِ وڑا آ دنیا گردیں دیھ یے ات آئی ءَ دنیا ءِ کنڈ کنڈ ءَ سداں چک ہست ات ۔آ سکیں نہ وشیں دیھ یے ات ،جنگولے ات ءُُ تب ءَ زانگ نہ بووکیں آسکیں حسدیگے ات ،بلئے آرازی ہم بوت ۔پدا آئی ءِ کندگ دارگ نہ بوت انت ۔آئی ءِ وشکند سک وش بوت ۔آئی ءَ وتی دریائی مہلوک ءِ کد ءُُ بالاد ءِ سرا ہم سک کند گ اتک ،آئی ءَ مدام دریائی زال گوں جن ءُُ جاتوگاں حیرانی ءَ چار ات انت ۔ ہمے وڑ ءَ آئی ءَ Sea cow,blow fish,sworf fish,jilly fish,octopus ءُُ ایندگہ زری ساہ دار چار ات انت ۔یک رندے آئی ءَ ایمپی ٹرائیٹ ءَ را وش کنگ ءِ حاترا یک Dolphin مائیگے آئی ءَ پہ سوگات دات ۔ آسکیں وت تماہ ءَ جنگولے ات مدام وتی ملک ءَ گیش دلمانگ ات یک رندے آئی ءَ گشت کہ اٹکا(attica) ہمائیگ انت آئی ءَ وتی سے سری ئیں شت ہمے کوہ ءَ جت ( ہمے جاہ انگت سہت انت ) ءُُ ھوداسوریں آپ چمگے بوتگ ۔نوں پمشکہ اتھینز ءِ مردم زری بادشاہی ءَ وش نہ انت آ چہ پوسیڈن ءَ سک ترس ات پرچکہ وھدے آ تب ءُُ چاڑ ءُُ گڈا میتگ ءِ درائیں ورنا اِش بندیک کت انت پمشکہ آ ہاں مدام دعا کت کہ دگہ دیھ یے آیاں چہ پوسیڈن ءَ برکین ات ۔اتھینے ءَ آہانی پریا ت گوش داشت انت ۔آ جہل ءَ آتک ءُُ آئی ءَ ہمے سوریں چمگ ءِ کر ءَ یک زیتونے درچکے کشت پوسیڈن زہر گپت ،دیمے تہار گشت ،آئی ءَ چہ زہر نہر دات آ چو آس ءَ جمبور بوت ۔مائیگانی رماں دریا برز ءَ چست کت ءُُ پدا تیاب ایر نہ کت ۔آئی ءَ اتھینے ہژم دات ءُُ گشت کہ آ پہ مڑگ ءَ ایوک ءَ بئیت ۔آئی ءَ بیہار دات کہ اگاں آ نہ ایتک گڈا آ چرے چستیں چولاں یکے شہرءِ سر ءَ دور دنت ۔آئی ءَ آئی ءِ مِڑ زرت ،بلئے زیوس ءَ اے جاک ءُُ سلوات اِش کت انت ،آ زمین ءَ ایر اتک ءُُ آئی ءَ سلاہ ءِ دزبندی کت پدا درائیں دیھاں یک جرگہ یے لوٹائینت ءُُ دوئیناں گپ گوش داشت انت اتھینے ءُُ پوسیڈن دوئینانی گپاں گوشدارگ ءَ پد آہاں شہر اتھینے ءِ دست ءَ دات پرچکہ آئی ءِ زیتون ءِ درچک پہ مردماں شرتریں سوگاتے ات ۔چریشی ءَ پد اتھینز ءِ مردم پہ سما ءُُ دلگوش زر ءَ شت انت ءُُ ہرچ وھد ءَ آ زری جنگ ءُُ چوپاں جنگ بوت انت۔ پوسیڈن پہ ڈیمبر ءَ شیدا ات ،ہر وہد ءَ آئی ءَ وھدے آئی ءِ بابت ءَ پگر کت گڈا آ آئی ءِ زیبائی ءِ گرفتار بوت ۔یک رندے آئی ءَ گرم بلئے وھد ءَ آ یک کوہی گرے ءِ کر ءَ گٹ کت ءُُ گشت کہ آ گوں آئی ءَ دوستی بکنت ۔ آئی ءَ نزانت کہ چون بکنت ۔آسکیں بلاہ یے ات سنگ دل ءُُ جاہلے ات گڈا سرا ڈیمیٹر ءَ گشت ’ ’ تو من ءَ سوگاتے بدے ،تو پہ زر ءَ بازیں ساہ دارے جوڑ کتگ یک ساہ دارے پہ زمین ءَ ہم جوڑ بکن بلئے اے ساہ زر ہنچو ڈولدار ءُُ جلوہ ناک بہ بیت کہ چدوہیسر کس ءَ ندیستگ آئی ءَ پیم ات کہ نوں آ چہ آئی ءِ دست ءَ رک اتگ پرچکہ آئی ءِ نز ءَ آئی ءَ ایوک ءَ جن ءُُ جاتوگ شرکت کت بس بلئے آ حیران بوت وھدے آئی ءَ اپسے شرکت ءُُ دات پدا آ اپس ءِ گندگ سک وش وبت پوسیڈن پہ وتی دست کاراں سک دلگوش ات آئی ءَ گشادی اپسانی باہرے شرکت کہ دیم پہ کہچر ءَ چرگ ءَ شت انت ۔آ وتی سر ءَ چنڈینان ءَ ءُُ لٹک ءَ سریننان ءَ شت انت کمک کنان ءُُ شدان بوت انت پدا آئی ءَ اپس وت ہنچو دوست بوت انت کہ آ چہ ڈیمیڑ ءَ پراموش بوت ءُُ وت یک اپسے ءَ سوار بوت ءُُ شت ۔رند ءَ آئی ءَ پہ وتی زر ءِ استبل ءَ ہم یک شنزیں باہرے جوڑ کت بلئے اولی باہر ہمیش ات ڈیمیٹر ءَ گون ات ۔دنیا ءِ ایندگہ درائیں اپس ہمے اپس ءِ چک انت ۔
دگہ کسہ یے اے وڑ گشگ بیت کہ پوسیڈن اپس ءِ جوڑ کنگ ءَ پریں ہپتگے زرتگ ۔اے وھد ءُُ پاس ءَ آئی بازیں گنگدارمیں شرکتگ بلئے چوکہ آئی ءَ دوست نہ بوتگ انت پمشکہ آئی ءَ کشگ ءِ بدل ءَ آہاں ہنچو یلہ داتگ ءُُ اے درائین گنگدام ہمے دنیا ءَ آتکگ انت ۔آہانی تہا اشتر ،دریائی اپس ،ذرافہ ،ہر ءُُ گور ہوار انت ۔ دگہ کسہ یے چوش انت کہ ڈیمیٹر ءَ چہ پوسیڈن ءَ رکینگ ءِ ھاترا وتارا مادنے کتگ بلئے پوسیڈن ءِ ہما وھد ءَ وتارا نریانے کتگ ءُُ آئی ءِ دمب ءَ کپتگ ءُُ گپتگ ئےِ چہ ہمے ھوار ءَ جنگی اپس ایر ئیون پیداک بوتگ کہ آئی ءَ را زری دیھاں ڈسپوئینا ءِ نام پر کت ۔
ڈیمیڑ ماہ ءِ ہم دیھ ات درائیں دیھ ءُُ بلاہ آنی کسہاں اپس ،ماہ ءُُ زر ءِ نزیکیں سیادے است پمشکہ مادگیں اپس ءَ زری نامے پر کنگ بوت ،’’مادن ‘‘ ماہ پمشکہ چولاں چست کنت ءُُ بیل ءُُ آلاڈ کنت زری چولاں بکش پر ،اپس پمشکہ تیاب ءَ درپ ءُُ دراپ کنت ،پاداں جنت ءُُ اپس ءِ سرمبانی نشان چو ماہ ءِ دروشم ءَ انت اے یک سکیں کوہنین چیزے بلئے تنیگا چہ دنیا ءَ گار نہ انت ۔
