اوست بے آسر انت
زند آس ءُُ چر انت
سنٹیں چاگردے ءَ
وھد وہماں سر انت
پرشتگیں قولے ءَ ستک ءُُ ایمان چے ؟
باجویں ساہتاں جند ءِ گر آرگ ءَ
گوست ءُُ گزراں چے ؟
کئے مرادی نہ انت ؟
پہ وتی ننگ ءُُ ناموس ءُُ سنگینی ءَ
پہ مڑایانی بانور ءُُ دردانگیں
چماں سرگپتگیں نوبتانی توامیں ہبر ازبر انت
دیر پشت کپتگیں موسمانی غمان زرد ارمانی انت
واھگانی متاہ ہاک ءُُ ہاک شانی انت
کئے بلئے غم بہ کنت
ٹپ ءُُ ملم بہ کنت
مرگ ءُُ مہشر بہ بیت
قرن ءِ گران وابیں سنگانی دل کپ بہ بیت
