خضدار اور لسبیلہ میں زلزلے کے جھٹکے ، شہریوں میں خوف وہراس

|

وقتِ اشاعت :   January 30 – 2017

کوئٹہ:بلوچستان کے ضلع خضدار اور لسبیلہ میں زلزلے کے جھٹکے محسوس کئے گئے تاہم کوئی جانی نقصان نہیں ہوا۔ زلزلہ پیما مرکز کے مطابق ریکٹر اسکیل پر زلزلے کی شدت 4.5 تھی جبکہ اس کی گہرائی 32 کلو میٹر تھی۔ زلزلے کا مرکز خضدار سے جنوب میں 140کلو میٹر دور گراہی کے مقام پر تھا۔ زلزلے کے جھٹکے خضدار، بیلہ اور قریبی علاقوں میں محسوس کئے گئے۔ خوف و ہراس کے باعث شہری کلمہ طیبہ پڑھتے اور استغفار کرتے ہوئے اپنے گھروں ، دکانوں اور دفاتر سے باہر آگئے تاہم کسی جانی نقصان کی اطلاع نہیں ملی۔