کیپ بیت کما ر بیت برے چہ دیدگاں منی
ارس ءُُ حون ءِ ہار بیت برے چہ دیدگاں منی
برے حیال ءَ شپچریں برے چہ سسا ءَ منی
کجا نزاناں گار بیت برے چہ دیدگاں منی
ابیتکیں دمک ءُُ میتگاں اے رنگراہ ءُُ رہسراں
اناگہ ءَ دچار بیت برے چہ دیدگاں منی
زہیر ءِ پگر ءِ جیڑگاں حیال ءُُ یات ترانگاں
شپانی واب گار بیت برے چہ دیدگاں منی
وتی گوں نازاں دلبریں اگاں تو بیائے یکبرے
نثارؔ بگندے سار بیت برے چہ دیدگاں منی
