کوئٹہ:ضلع کیچ میں ایف سی اور حساس ادارے نے سرچ آپریشن کے دوران اسلحہ اور فورسز کی وردیاں برآمد کرکے ایک مشتبہ شخص کو گرفتار کرلیا۔ ایف سی ذرائع کے مطابق کیچ کے علاقے ہوشاب میں کولاواہ کے مقام پر ایف سی اور حساس ادارے نے سرچ کے دوران ایک مشتبہ شخص کو گرفتار کرلیا۔ کارروائی کے دوران ایک بارہ بور رائفل ، مختلف ساخت کے سینکڑوں راؤنڈز، کلاشنکوف کے گیارہ میگزین، ایک ہیلمنٹ، لیویز فورس کی ایک وردی، چھ ٹوپیاں ، بیجز اور مجسٹریٹ کا سٹیمپ برآمد کرلیا۔
