سبی: بختیار آباد کے قریب پک اپ اور ٹرالہ میں تصادم ،ایک ہی خاندان کے گیارہ افراد زخمی ہوگئے ،زخمیوں میں چار کی حالت نازک بتائی جاتی ہے ،زخمیوں کو سول ہسپتال سبی منتقل کیا گیا ،یہاں آمدہ اطلاعات کے مطابق ابڑو قبیلے کے ایک ہی خاندان پک اپ پر ڈیرہ مراد جمالی سے مچھ جارہے تھے کہ بختیار آباد کے قریب قومی شاہراہ پر سامنے آنے والی تیز رفتار ٹرالہ سے ٹکرا گئی جس کے نتیجے میں گیا رہ افراد زخمی ہو گئے زخمیوں میں دو خواتین اور دو بچوں سمیت چار افراد کی حالت نازک بتائی جاتی ہے جبکہ سات افراد معمولی طور پر زخمی ہوگئے جن کی حالت خطرے سے باہر بتائی جاتی ہے زخمیوں میں چار افراد کو سول ہسپتال سبی پہنچایا گیا جبکہ دیگر زخمیوں کو سول ہسپتال سبی منتقل کیا جارہا ہے ۔
