پنجگور+ تربت : پنجگور کے علاقے ہردم میں ایک شخص کی لاش برآمد ذرائع کے مطابق پنجگور کے علاقے ہردم کے پہاڑی علاقے تلانگ سے ایک لاش برآمد ہوئی ہے جس کی شناخت علی محمد کے نام سے ہوئی ہے ذرائع کے مطابق مقتول کو دو روز قبل نامعلوم افراد نے اغواء کر لیا تھا دریڈ اثناء پنجگور کے علاقے گرمکان میں نامعلوم افراد نے لائبریری کو آگ لگا دی اور لائبریری پر دستی بم پھینکا جس سے لائبریری کو جزوی نقصان پہنچا جبکہ دستی بم پھٹ نہ سکا جسے ناکارہ بنا دیاگیا ایک اور واقعہ میں پنجگور کے علاقے سیدان میں نامعلوم مسلح افراد نے سیدان ہردم روڈ پر کام کرنے والے ٹریکٹر پر فائرنگ کردی جس سے ایک شخص عبدالمجید ولد دریا خان نامی شخص زخمی ہوا جبکہ ٹریکٹر کو جزوی نقصان پہنچا دریں اثناء کوئٹہ (آن لائن)فرنٹیئر کور اور حساس ادارے کے اہلکاروں نے تربت میں کا رروائی کر تے ہوئے کالعدم تنظیم سے تعلق رکھنے والے1 شرپسند گرد کو گرفتار کر لیا یہاں آمدہ اطلاعات کے مطابق گزشتہ روز فرنٹیئر کور اور حساس اداروں کے اہلکاروں نے تربت کے علاقے آپسر میں کا رروائی کر تے ہوئے ایک شرپسند کو گرفتار کر لیا ذرائع کے مطابق ملزم سے اسلحہ بھی برآمد کیا گیا ہے اور وہ دہشتگردی کی وارداتوں میں فورسز کو مطلوب تھا ملزم سے تحقیقات کی جا رہی ہے۔
