گوادر : تلار کلانچ کے قریب مسافر کوچ و ڈمپر میں ہولناک تصادم ، کوچ ڈرائیور سمیت 4 افراد جاں بحق، 18 زخمی ۔ واقعات کے مطابق مند سے کراچی جانے والی مسافر کوچ تلار کلانچ کے مقام پر سامنے سے آنے والی ڈمپر سے تصادم کا شکار ہوگئی ۔ جس کے نتیجے میں مسافر کوچ کا ڈرائیور بدل خان اور کلینئر اختر و منصور موقع پر دم توڑ گئے۔ جبکہ دیگر پانچ زخمیوں کو گوادر ڈی ایچ کیو ہسپتال منتقل کیا گیا ۔ ڈی ایچ کیو میں ابتدائی طبی امداد کے بعد تین زخمیوں کو کراچی منتقل کیا گیا ۔ جبکہ دو زخمیوں کو طبی امداد دیکر فارغ کر دیا گیا ۔ آخری اطلاعات کے مطابق کراچی منتقل کئے جانے والے زخمیوں میں ایک زخمی زخموں کی تاب نہ لاکر راستے میں دم توڑ گیا ۔جس کا تعلق مند سے بتایا جاتا ہے ۔
