بختاور ! مروچی ویلنٹائن روچ درائیں عاشق وتی محبوب ءَ پل دئیگ ءَ انت ءُ من وت کشی کنگ ءَ اوں ۔۔۔۔۔وھدے منی نمدی تر ارسیت گڈا من زمین ءِ سرءَ کپوک بنت ءُ منی ساہ دراتکگ ۔ھچبر اے دل نہ آر تگ ات وت ءَ یک روچے کش اں بلے وھد ءُ جاوراں بے وس کتگ کہ نوں من زندگی ءَ دراءَ اللہ ءِ باھوٹ کنگ ءَ اوں ۔من گوں دل ءُ جان ءَ ترالوٹ اتگ ۔ تئی حاترا من وتی ناکو وانند گیں جنک یل ءَ داتگ آمیڈیکل کا لج ءَ چہ انجینئرنگ کنگ ءَ چہ پد بالی گوراب ءِ (پائلٹ) جو ڑ بوھگ ءَ ات من رد کتگ ات کہ من ویڑک پاس کتگ ۔ بلے محبت ءَ راگوں وانگ ءَ ھچ حاجت نہ اِنت من سرپدآں کہ ترا انگریزی انگلش گپ جنوکیں بچک دوست بیت بلے ترا اے سرپدی نیت انت کہ من سر جمی انگریزی زاناں ۔ اے گپ من وت ترا حال نہ داتگ کہ من انگریزی زاناں۔ بلے مروچی زندگی ءِ گڈی روچ انت کہ لوگوں تو گپ ءَ چیر دئیگ نہ اؤں ءُ ھچ گپ چیز نہ دیاں تو بلے اے شری ءَ بات نہ کتگ کہ من اولی رند ءَ تئی پشت ءَ ( رند ءَ) کتگ کمھباگوں ڈک لگت انت ءُ کپتگ انت من آوھد ‘‘ابو ڈے مرتاں ‘‘کتگ ءِ بدل ءَ آف ( ایف ایف یو ) گشتگ ءُ وھدے من تئی لوگ ءَ تئی واست ءَ پل ءِ دئیگ ءَ آتکگ آں ءُ گڈی دیم چہ تئی پت در تکگ گڈا یات بکن کہ من بلوچی ءِ گشگ ءِ بدل ءَ انگریزی ءَ گشگ اوں ! ٹیسٹ ’’شیفٹ ‘‘بلے تراگوں من ھچبر محبت نہ بوت من تئی حاترا چی چی نہ کتگ من حال ءُ احوال نیوز چینل یل داتگ انت ءُ بادشاہی پیار ءُ محبتی فلم کسما نک ءِ بندات کتگ ، دست ءِ بازیں جاگہ گوں بلیڈءُ دگے چیزاں چہ تئی نام نبشتہ کتگ ءَ کٹ ءَ گورا (ایس ) (اے)نام ءِ نبشتہ کتگیں ھارے گورا کتگ ءُ وتی سم (اسم ) تئی نیٹ ورک ءَ بدل کتگ سمہ والا بوٹ پار ءَ کنگ بندات کتگ کلیس شیو کنگ ( ریش ءُ بہروت ) ساپ کتگ انت یک رنگیں جراب دپ کنگ بندات کتگ تو ہر وھد ءَ منی مزاک کتگ ۔ من وتی دل ترا بانک لیگ اتگ ات ۔یک رندے ویلنٹائن روچ ءَ پل برئے یامن ءَ چہ پل بزورے بلے تومنی یک گپے ھم نہ زرتگ اللہ بکنت تراھم یکے گوم ءَ منی وڑا محبت بہ بات ءُ آترا اھمے وڑابزگ ءُ ذلیل ءُ خوار بکنات ۔ من تئی گوم ءَ محبت کنگ ءِ واست ءَ چی چی نہ کرتگ من تئی واست ءَ ہر وڑیں کار کتگ بلے ہر وہدہ ءَ تاوان بو تگ انت تئی جاگہ دگے منی سر ءَ کپتگ ۔
یات بہ بیت یک رندے من پل ئے زرتگ ات تئی دئیگ ءَ اتکوں بلے تووتی کُچک منی پشت ءَ دات تو منی محبت ءِ قدمہ کنگ ءِ بدل ءَ منی بے ازتی کُرت تئی کچک ھم یک کچکے چک ات چوتئی وٹراھچ اخلاق ءُ ازت نیست ات ۔ عاشق ءُ دز ءِ پرک ایش نہ زانت تئی کچک اے واستہ منی پشت ءَ کپتگ من ءَ بازیں وھد ءَ پہ یات اتگ من ءَ یک رندے من ءَ ملایے ءَ گشتگ ات ۔ کہ تووتی محبوبہ ( محبت) ءِ سر ءِ مودءِ ٹال ایش بہار من ایش بہار ون انچیں دمے کنان کہ آوت آرام نہ کنت تئی گورا کیت انت منی واست ءَ تئی سرءِ پٹ ءِ ( مود ) ءِ ٹالے آرگ نہ انچوش گران ات انچوش کہ تئی ۔۔۔۔۔۔۔
بلے من ھمت چگل ندات ھچ وڑا کمی نہ لیک اتگ۔۔۔۔
ھمک روچ من تئی چارگ ءِ شوھاز ءَ اتوں یک روچے تئی لوگ ءِ کار کنوکیں جنین ءَ لہتیں کچرہ آکوٹ ءِ سر ءَ چگل دات ۔ من ھمیشانی تہا پٹ ءُ لوٹ ءَ پدیک ٹالے مود دیست کہُ سہریں(red) رنگ ءِ درجیں مودی ٹالے ات من چہ گل ءَ بال بوتوں من زانت کہ تئی سر ءِ مودءِ ٹال بیت پر چہ کہ تو وتی مات ءُ پت ءِ یکیں چک ات ائے ءُ یکیں جنک ات ئے۔
من زانت اے مودءِ ٹال ترا چہ ابید دیگے کثی بیت بازیں جنجال ءَ چہ مود ءِ ٹال زرت ءُ ھما ملاءِ کراشت اوں ءُ ملاءَ منی ھمت ءِ بازیں ساڑا کرت۔ ءُ5000 دزگرگ ءَ پد آئی ءَ ھمے مود ءِ ٹال ءَ را دِم کرت بلے شش ماہ ءَ چہ پد ھمے ترسناکیں راز دیم ءَ اتک کہ آمود ءِ ٹال تئی نہ بوتگ تئی داشتگیں ھما کچک ءِ بوتگ من حیراں بوتاں کہ تئی کچکءَ چوں منی دوری ءِ سماکپت منی بوہ ءَ زانت من مدام حیران اتوں۔۔۔۔
منی دل ءِ واہشتاں ھدا زانت کہ تو منی رند ءِ گڈی محبت (پیار) ئے من سر پداں کہ ترا شعر ءُ شاعری باز دوست بیت۔۔۔۔ اُف۔۔۔۔۔۔!
من ترا کدی گشت نہ کرُت کہ من یک مزنیں شاعرے اوں ۔۔ اے شعری انت۔
” وتی زندگیءَ من گوں تو کنان”
” بس ترا چماں دراں عبادت کنان”
من ترا بازیں وھد ءَ چار اتگ کہ بچار کہ منی مرگ ءِ وھد اتکگ۔ من چہ اے دنیا ءَ روگ ءَ اوں مروچی ءَ پداکس تئی واستہ ارساں وتی نہ ریچیت کس تئی لوگ ءِ دیوال ءِ سرءَ گوں وتی ھوناں شعر نبشتہ نہ کنت ۔کس تئی واستہ ءَ ھمک روچ جان نہ شودیت ءُ وت ءَ ساپ ءُ سنگار نہ کنت ءُ کس وتی پت ءِ کیسگ ءُ مات ءِ پندول ءَ چہ زر دزی نہ کنت ءُ تئی واستہ سامان، کریم ءُ پُل نیاریت کسہ ھلاس بوتگ۔۔۔۔۔۔۔!
من ءَ ھمے گمُان بوت کہ من تئی واستہ جوڑکنگ بوتگ انت بلے تو منی واست ءَ نہ بوتگے تو من ءَ چہ ربید ہر کسی واست ءَ جوڑ کنگ بوتگے بلے آئی ءَ را تباہ ءُ برباد بکنت۔۔۔۔۔۔
من تئی ھما گپ ءَ چہ انگت بے حال نہ اوں کہ تو من ءَ گوستگیں” ویلنٹائن ڈے” ءَ گشتگ ات کہ تئی گہار ءَ اگاں کَسے پُل بدنت تئی دیم ءَ گڈا تو برداشت کت کنے۔۔۔؟ باور بکن ءَ تئی ھمے گپ ءَ چہ بازیں دردے داتگ۔
جان۔۔۔! ما خاندانی (ازگازیں)مردمیں۔۔۔۔۔ مئے خاندان ءِ جنک اے وڑیں سوچ ہم داشت نہ کن انت۔۔۔۔۔۔۔۔۔
بلے ھیر۔۔۔۔۔۔! اے گپاں چی فائدگ۔۔۔۔۔۔۔؟
اے گڈی نمدی ءَ اے واست ءَ نبشتہ کنگ ءَ اوں کہ ترا زانگ بہ بیت کہ توچکیاس مزنیں ھستی یے یل داتگ ۔ باور کن تئی آوکیں زندگی بیدے پشومانی چہ ابید دیگے ھچ چیز ءَ گوں نہ گوزیت چوں اس ءَ سوچاں بیت ءُ روان بیت تو مدام شپانی واب ءَ چہ پاد کائے ءُ منی واست ءَ گریوئے۔ ترا سرجمیں کو ٹھی ءَ ، فریج، ٹی وی، صوفےءُ ٹیبل ءِ سرءَ منی عکس گندگ ءَ کیت انت۔۔۔۔
بلے نوں وھد گوستگ تئی عاشق زمین ءِ حاکانی چیز ءَ وپتگ منی گوں تو ہمیش دست بندی انت کہ یک اندے منی جنازہ ءَ بیا ۔ اگاں تئی دست ءَ بوت گڈا منی جنازہ ءَ کو پگ ھم بدئے ءُ منی کبر ءِ توک ءَ برو کبر ءِ دراجی ءُ پرائی ءَ شری ءِ سر ءَ بچار تئی عاشق چمانی دیم ءَ انت ۔۔۔۔۔۔۔ءُ ھاں ۔۔۔۔۔ھمک ویلنٹائن
روچ ءَ کبر ءَ المی ءَ پل ، ناز بو ، اگر بتی ءِ ھیر کنگ بیا ۔۔۔۔۔منی جانو ( ساہ ءِ کپ ) انگت انوں منی دست ءَ پہ تو یک پلے است انت بلے اے ھچ کا رے در ءَ نہ روت ۔ من پہ وتی و تاس ءَ ( تو پک ءَ ) چہ وت کشی کنگ ءَ اوں بلے حدا ءِ واستہ منی مرگ ءَ چہ پد وتی زندگی ءَ ھلاس مکن ۔۔۔۔۔۔اگاں اے وڑابوت مزن من دومی رند ءَ پد ءَ مر انت ۔ منی حیال ءَ منی روح ءِ درآھگ ءَ چہ پیر آنمدی ءِ پسو ءِ ودار کنگی انت ۔ اگاں اے نمدی تئی دل ءِ برپ آپ نہ بوت من ھمدا نشتگوں ھمدا چہ مرایں ۔ اگاں کہ تو لو ٹ ات من مر تگیں لاش ءَ مہ بیس گڈا گوں تو دست بندی انت Please وتی موبائل ءَ چہ یک مسکالے بدے ۔۔۔اگاں زر (Balance) ھلاس انت گڈا وٹس اپ ءَ چہ یک مسکالے بدئے من (10) دہ منٹ ءِ واست ءَ موبائل ءِ ڈیٹا ءَ پچ کنگ ءَ اوں اگاں تئی کال اتک تئی اے عاشق پل ءَ زور یت تئی کّرا کیت انت پلیز دیر مکن اے نمدی ءَ چہ تئی لوگ ءِ کا ر کنوکیں جنین ءَ دئیگ ءَ اوں۔۔۔۔۔۔۔۔۔۔۔۔۔۔
ویلنٹائن روچ ءَ تراوتی درائیں گلہ ءُ زنگ ھلاس کنگی انت ءُ منی پل زورگی انت ۔ نہ گڈاترا دنیا گنوک ءِ نام ءَ دنت ۔باز نبشتہ کتگ بلے کم بزان ئے جہد بکن کہ آھگ ءِ وھد ءَ نانی چنڈے ءُ کمو نارشت ایرکن ءُ بیا ۔۔وت کشی ءِ واست ءَ سبب ئیں انت ھچ نہ وراتگ ۔۔۔۔۔۔تئی عاشق ۔
