بنیآدم ءِ وہدگوں بازیں دیمپانیں اڑ ءُُ جنجالاں کپتگ ءُُ مرچی آ اے دیمروئی کتگیں زمانگ ءَ سر بوتگ آئی ءِ زندال ءُُ جیڑگانی پگری درشان ءَ آئی ءَ را بے وس ءُ بے چاڑ کرتگ ات پمشکا آئی ءَ وتی ھیال درشانی زبان جوڑ دات ءُُ ہمائی ءِ دروسیلہ ءَ آئی ءَ وتی جیڑگانی گشیوار بنا کت بلئے زبان ایوک ءَ ھیالانی گواچن ات مارشتانی درانگاز چتور کنگ بہ بیت پمشکا آئی و سوس ھلاس نہ بوت ہمے سرگدان ءَ دل ءِ تاہیری ءَ آئی ءَ شئیرالہان کت دلے تاہیر گپت گوں زیمر ءَ آئی ءَ زانت کہ دل تائیر گپت ءُپ اے وسوساں یا وَ گیش کنت یاکہ تائیردنت پمشکا دراجیں پندے ءَ رند باز ءَ زیمر ءُُ سوت ءُُ سار جوانیں چیزے لیک ات ءُُ باز ءَ ایشی ءِ سرا ایراد گپت کہ اے دلانی جزبگاں پاد کنت پگراں ہراب کنت چاگرد ءَ زیمر ءِ ہچ جاہ نیست ۔

اگاں زیمر ءُُ سوت بند بہ بیت گڈاں مارشتانی وسوسانی درانگاری چون کنگ بہ بیت؟ ہمے جیڑگاں آئی ءَ راکسہ گشگ ءَ پرمات ہمے کسہانی دروسیلہ ءَ آئی ءَ وتی چیراندریں مارشتانی درانگار کت ءُُ وت وتا تاہیر بلئے چیرایشی جنگ ءُُ جڑ پا اتک پرچکہ درائیں کسہ راست اِتاں مارشتان راست اِتاں واکیا راست اِتان پمشکا دروگ ساوگ بوت ہرکسی دروگ بازیں ستریں ،اندام ات ہمے دروگ سازگ ءَ داستان ءُُ کسہانی نوکیں دروشم ءَ گندایت ءُُ سرپد بیت بلئے ایشانی بن است دروگانی منت وار انت اگاں دروگ مہ بوتیں داں دنیا پشت نہ کپتگ ات پرچکہ تب داری ءُُ دروگ ہما وسلہ انت آہاں دنیا داشت انت اگاں تب داری مہ بیت دروگ بندگ مہ بیت گڈا ں چوں بیت دنیا ؟ جنگ ءُُ جڑ چنچوگیش بنت ایشی ءِ ھیال ءُُ گمان ہم پہ لس مردم سک بیت پمشکا دروگ الم انت ۔

لبزانک دروگانی بنزہ انت ۔۔۔۔۔اے منی لیکہ انت ہرکس کہ ہرچند جوانیں دروگ ساز ات کنت ہما لبزانکار گشگ بیت پرچکہ لبزانک زند ءَ را راست ءُُ تچکی ءَ نہ گشیت آ تری ردانکی لبزانک بہ بیت یا شائری ہر دوتہراں دروگ بندگ الم انت پمشکا دورگانی بازی لبزانک ءَ گیش کنت ۔ہما مردم دروگ ءِ بندگ ءَ شیوار ءُُ بلد انت مرچی ہما مستریں لبزانکار انت اگاں آئی ءِدروگ نیم شلونگ ءُُ گرگ بہ بنت آئی ءِ ارزشت ہلاس بیت ءُُ ہما کس کہ دروگ بندت بست مہ کنت آ ندکار ءُُ لبزانکارے بوت نہ کنت ۔دروگانی بازی اسل ءَ ہم ااندیمیں راستی انت کہ تچکی ءَ گشگ نہ بنت پمشکا ترا منا دوست بنت ما بازیں وتا ہما شئیر ءُُ ردانکی

تہر ءَ گوں ہم بند سرپد بان انچو سما بیت کہ اے پمن گشگ بوتگ وہدے اے سمائی گشی بیت کہ اے چیز منی زند ءَ گوں دپد وارت یا اے پمن گشگ بوتگ گڈاں اے نوبتاں دروہگ ءُُ رد دئیگ ءِ سما ودی بیت بزاں جاتوئی دنیا ،فلسفائی دنیا ءُُ نفسیاتی دنیا ہمے دروہگ ءُُ رد دئیگ ءِ دنیا اِنت ۔

بزاں اگاں کسے ءَ اے ھیال ءَ گورجت کہ گوں من پرچہ چو بوہگ ءَ انت گڈاں اے دمان ءَ ہمے سے ایں چیز آئی ءِ چماں زاہر بنت گڑان آ رددئیگ ءُُ رپینگ بیت ۔پمشکا مدام اے چیز ءِ پگر مہ کن کہ چش پرچہ بوت یا کہ گوں من چو پرچہ بوہگ ءَ انت بلکیں اے ھیال ءَ دیم ءَ بیار کہ نوں دیم ءَ چے بیت پمشکا دروگ بندگ الم اِنت۔۔۔۔۔۔۔!