گشنت کہ یک وہدے ءَ پیش جاپان ءَ دو(۲) پُگل است اَت یکے ’’ اوساکا‘‘(osaka) ءِ بازارے ءِ کہ شہجوئے آئی ءِ بگل ءَ تچگ ءَ ات ہنکین کتگ ات ءُُ دومی ءَ کسانکیں ءُُ سپاہیں شپکے ءَ داشتگ ات کہ آدیم پہ ’’ کیوٹو‘‘ (Kyoto) شہر ءِ نیمگ ءَ تچگ ءَ ات۔ بلئے آ انچو یک دومی ءَ چہ دور ءَ گستا ات انت کہ آہانی توار ہم پرآہاں سر نہ بوتنت ۔

نزاناں چہ پیم اِشانی دل ءَ یکپارگی ہمے کوریں ھیال ءَ سرکش ات کہ جہان ءِ کمے سیلے کنگ بہ بیت ،ءُُ ’’ کیوٹو‘‘ ءِ جہمنند ءَ لوٹ اِت کہ ءِ اوساکا ءَ بگندیت ءُُ ’’ اوساکا‘‘ ئیگ ءَ ءِ ’’ کیوٹو‘‘ ءِ چارگ دل ءَ ات ۔
کہ ہود ءَ مزن شانیں ءِ ’’میکاڈو‘‘ (MIkado) ءِ ماڑی مک اَت۔

گڈا بہار ءِ رژنائیں سہبے ءَ یکے چہ ءِ کیوٹو ءَ درا تک ہمے کشک ءَ راگپت دیم پہ ’’اوساکا‘‘ ءَ یکے چہ ’’ اوساکا‘‘ ءَ پیداک اَت دیم پہ ’’ کیوٹو‘‘ ءَ اِشں چش کلہے ہم گمان نہ کتگ کہ اے سپر اے پیم ءَ آہاں ژند ءُُ ہند کنت چیا کہ ہمے دوئیں بازارانی نیما ءَ بلائیں کوہے مِک اوشتاتگ ات کہ اشی ءِ سربر ءَ سر کپگی ات ءُُ اے نیم راہ ءِ سرا ات ۔

اِش دراجیں پندے ات ءَ آہاں بازیں ءُُ مزنیں سٹک جنی ءَ پد ’’ ٹل‘‘ ءَ سر بوہگی اَت۔آھاں شریں ساہتے ءَ ہچ نہ گشت ءُُ یک دومی ءَ را ہنچو چار ات ءُُ پدا گپ ءَ کپتاں ءُُ وتی لیکہ گشتاں کہ آہاں وتی لوگ ءَ ماں وتی دل ءَ جیڑاتگ ات انت ۔اے گپ ءَ آ دوئیں سک گل بوتاں کہ آہاں یک پیما جیڑاِتگ کہ وتی پٹ ءُُ پیرکی سرڈگار ءِ بابت ءَ چیز ءِ سرپدی بہ زوراں ۔۔۔

آھاں تہار ءُُ نمبگیں جاگہے ءَ وتارا سہار دات کہ شر سارت ءُُ ہونک ات ءُُ پرے گپ ءَ رزا بوتاں کہ آالکاپی ءَ دم ءِ بالا کننت چد ءُُ پیش کہ ہرکس وتی وتی کشک ءَ بہ گپت ءُُ بروت ۔اوساکائی ءَ گپل ءَ گشت ’’ بلائیں دلپروشیں گپے اگاں بوتیناں کہ ماتے مزن نہاں ۔گڑا ما چمداں چہ دوئیں بازار ناں دیستگ ات ءُُ مارا باز نپ چویشی ءَ بوتگ ات کہ مارا دیم ءَ روگ نہ کپت ‘‘۔

کیوٹوئی پگل ءَ درائینت ءِ کہ اے باز ارزانیں کار ءِ آچش کہ من ءَ توکو ھ ءِ ٹل ءَ وتی پدی پادانی سر ءَ اوشتگی بالاد ءَ مک بیں ءُُ یکے دومی ءَ راداراں ءُُ پدا ما ہما بازار ءَ کہ روگ لوٹگارئیں گندئے ‘‘ گورے گپ ءَ گوں ’’ اوساکائی ‘‘ پگل سک گل بوت وتی سنگت ءِ سرا دوئے کت ءُُ وتی پاد ءِ آئی کوپگ ءَ ایر کتنت کہ آئی ءَ وتارا وتی دوئیں پادانی گوما مِک ءَ مک اوشتار ینگ اتنوں دوئیناں وتارا برز ترکنگ ءِ جہد کت ہمنچو کہ آہانی دست ءَ بوت ءُُ آہاں یک دومی ءَ را مہر ءَ مہر داشتگ ات کہ مہ کپنت۔

کیوٹوٹی(kyoto) پگل ءَ وتی دیم کت’’ اوساکا ‘‘ نیمگ ءَ ءُُ ’’ اوساکا‘‘(osak) وتی دیم کت گوں ’’ کیوٹو‘‘ ءَ بلئے اے بے اکلاں چش نہ زانت ءُُ شموشکار اتاں کہ وہدے آ اوشتاتاں گڈا آہانی بلائیں چم آہانی پدی نیمگ ءَ بنت ءُُ دیم ہما نیمگ ءَ کہ آہمود ءَ روگ لوٹگ ءَ ات نوں اشانی چم ہمود ءَ سک اتنت کہ چمود ءَ پیداک اِتاں ’’ اوساکائی ‘‘ پگل ءَ کوکار کت ءُپ گشت ’ منی سنگت ’’ کیوٹو‘‘ پورہ ’’ اوساکا‘‘ انت ! پریشی ءَ دراجیں پندے ءِ برگ ءِ ہچ نپ در نہ کپیت ۔من شتاں لوگ ءَ !‘‘۔

کیوٹوئی ءَ پگل ءَ کوکار کنان ءَ گشت ءِ اگاں منی مجگ ءَ اے گپ بوتین کہ ’ ’ اوساکا‘‘ کیوٹو ‘‘ جند انت پہ وتی زید ءُُ دروشماں گڈا من چشیں راہ ءِ نہ برے ءُُ ڈھار پہ ڈہار نہ بوتاں گومے گپ ءَ گوں آئی ءَ وت سنگت ءِ کوپگ داشت ءُُ ایر اتک ءُپ دوئیناں کاہانی سرا دور کت ۔

پدا آہاں پہ شہم ءُُ رہداری یک دومی ءَ را دست ءُُ دروہ کنان ءَ اللہ ءِ ’’ ازر ءُُ امان ‘‘ ءَ کت ءُُ وتی وتی لوگاں پر تر ات ءُُ شتاں ۔بلئے آہاں وتی زند ءِ گڈی روچاں اے گپ ءِ سرا بھیسہ بوت کہ کیوٹو ءُُ اوساکا ہمے پیم ءَ دگہ دگہ دروشم ءَ رنگ ءَ انت چشکہ دو بازار ءِ وتی وتی زید ءُُ ابیل بوت کناں ۔
(اے کسہ چہ The worlds Best fairy tales ءَ زورگ بوتگ )