کوئٹہ: کوئٹہ سے اغواء ہونیوالی خاتون کو بولان سے لیویز نے بازیاب کرالیا۔ تین اغواء کاروں کو بھی گرفتار کرلیا گیا۔
لیویز کے مطابق نائب تحصیلدار مچھ محمد معظم جتوئی نے خفیہ اطلاع ملنے پر رسالدار میجر بولان ماما غلام حسین سمالانی اور لیویز نفری کے ہمراہ مچھ کے علاقے بی بی نانی میں پری بولان کے پہاڑی علاقے میں چھاپہ مارا ۔
اور کوئٹہ سے چار روز قبل مبینہ طور پر اغواء ہونیوالی فوزیہ بی بی فوزیہ دختر کریم بنگلزئی کو بازیاب کرالیا۔ کارروائی کے دوران تین ملزمان خدا بخش، مرید خان اور عبدالقادر کو بھی گرفتار کیا گیا۔
کوئٹہ سے اغواء ہونیوالی خاتون بی بی نانی پہاڑوں سے بازیاب
وقتِ اشاعت : July 3 – 2017