کوئٹہ : بلوچستان کے علاقے تربت سے کراچی جانیوالی پی آئی اے کی پرواز کے دوران جہاز کا اے سی بند ہوگیا فضائی میزبان نے مسافروں کو پنکھا جھلنے کیلئے کارڈ فراہم کردیئے ۔
تفصیلات کے مطابق تربت سے کراچی جانیوالی پی آئی اے کی پرواز کے دوران جہاز کا اے سی بند ہونے کی وجہ سے مسافروں کو شدید مشکلات کا سامنا کرنا پڑا ۔
پرواز کے دوران پی آئی اے کی فضائی میزبان نے پنکھا جھلنے کیلئے مسافروں کو مینیو کارڈ فراہم کردیئے جس سے مسافر اپنے آپ کو ہوا دیتے رہے جبکہ فضائی میزبان خود بھی گتے سے ہوا حاصل کرتی رہیں۔