اسلام آباد چیف آف دی نیول اسٹاف ایڈ مرل محمد ذکاء اللہ، ان دنوں جرمنی کے سرکاری دورے پر ہیں۔دورے کے دوران نیول چیف نے جرمن نیول اکیڈمی فلینز برگ (Flensburg) اور جرمن سب میرین نیول بیس ایکرن فورڈ(Eckernforde) کا دورہ کیا۔
جرمن نیول اکیڈمی پہنچنے پر کمانڈنٹ جرمن نیول اکیڈمی فلوٹیلن ایڈمرل کے ایچم شون باچ Flotillen Admiral Kay- Achim Shonbachنے چیف آف دی نیول اسٹاف ایڈمرل محمد ذکاء اللہ کا استقبال کیا۔کمانڈر جرمن نیول اکیڈمی سے ملاقات کے دورا ن باہمی دلچسپی کے پیشہ ورانہ اُمور پر تبادلہ خیال کیا گیا۔
بعد ازاں چیف آف دی نیول اسٹاف ایڈمرل محمد ذکاء اللہ نے جرمن نیول بیس ایکرن فورڈ میں قائم سب میرین ٹریننگ سینٹر کا دورہ کیا۔سب میرین ٹریننگ سنٹرآمد پرسب میرین ٹریننگ سینٹر کے سربراہ فریگیٹن کیپٹن لارز گوزنگFrigattan Kapitan Lars Gosingنے ایڈمرل محمد ذکاء اللہ کا استقبال کیا۔
فریگیٹن کیپیٹن لارز گوزنگ نے نیول چیف ایڈمرل محمد ذکاء اللہ کو سب میرین ٹریننگ سینٹر سے متعلق تفصیلی بریفنگ دی۔ نیول چیف نے جرمن سب میرین کا دورہ بھی کیا۔ سب میرین کے دورے کے دوران نیول چیف نے سب میرین پر تعینات افسروں اور جوانوں سے گفتگو کرتے ہوئے ان کی آپریشنل صلاحیتوں کوسراہا۔
پاک بحریہ کے سربراہ کا یہ دورہ دونوں ممالک بالخصوص بحری افواج کے درمیان دفاعی تعاون میں اضافے اور وسعت کا باعث ہوگا۔