ایندگہ سہب ءَ آ مہلہ واتر بوت من جست کت ’’ زوت واتر بوت ئے ؟ زیکیں دراہ لوٹ اتگیں ات انت مرچی من ءَ گیشتر لوٹ ایت ۔من درائنت پہ حق ءُُ ہلار تئی بیپار سک شر انت ۔من ءَ مردم شر زان انت ءُُ من مردماں شر زاناں آئی ءَ درائینت ۔دہ کترہ ( منٹ) ءَ پد آئی ءَ ہپت تاک چست کت ءُُ گشت کہ مرچی ہمیشاں براں ‘‘ ۔آئی ءَ گشت مرچی اباں ءَ نیادی ءَ برگ ءَ اوں آئیءَ نوکیں کلاہ ءُُ بوٹ گران ءُُ دیاں ۔

آ الم سک گل بیت من گشت ۔ شرط بندئے آ گل بیت ؟ جونی ءَ گوں من گشت آئی ءَ گوں من ءَ گشتگ ات کہ زوت واتر کن ءُُ لوگ ءَ بیا۔گڑا آئیءَ گشت کہ من اے ہپتیں تاکاں زوراں ءُُ رداں پہ ہما گراکاں کہ آہانی لوٹ من ءَ گوں انت ءُُ چریشی ءَ پد من درکاں زوراں دیم پہ لوگ ءَ پت ءُُ زوراں براں نیادی ءَ ‘‘ دو روچ ءَ پد جونی ءَ گیشتر تاکبند لوٹ ات۔

آئیءَ گوں من گشت یک واجہے است نامے وٹمین انت لوگ ئے برز ءِ تبکے ءَ انت اے ہما درستیں تاکبنداں لوٹگ انت کہ ماں آیاں تھیوڈوڈریز ءِ توامیں کسہ مان انت پدا آ وتی اے دگہ گراکانی بابت ءَ حبر کنگ ءَ بندات بوت۔’’ مس وائیٹ کہ سکولی دربردھ ( ماسٹر ) ئے ہمینگوئے ءِ وانوکے ءَ آئیک ءَ گشت کہ تو ہروہدے ہمے تاکاں بیارے کہ آہانی تہا ہمینگوئے ءِ کسہ مان انت بہااش زوراں ۔

لہتیناں سینکلیر لیوس دوست بیت ءُُ دگہ لہتیں سرویان فاکنراسٹین یک مین ،میتھ،بالڈوئین،فینی ہرٹس ءُُ تھامس وولف ءَ دوست داریت پدا شت ۔اے ابکہ کنوکیں گپے ات کہ یازدہ سالی گونڈوئے چے پیم وتی گراکاں ہم اچیزاں کہ دوست دار انت ارزشت دنت ءُُ یات انت ئے ءُُ ہچ وڑ ماں ن ہم نہ گیش ایت۔ یک روچے من آئی ءَ راجست کت ’’ مزن بئے گڑا چے کنگ لوٹ ئے ؟‘‘ آئی ءَ پسہ دات کہ من لوٹاں کہ من ءَ وتی جند ءِ کتابانی دکانے بہ بیت ۔

آئی ءَ گشت من وتی دکان ءَ کوہنیں کتابانی دکانے کناں کوہین کتابانی گومانوکیں کتاب ہم ایر کناں بلئے اے تیاب دپ ۲ ءِ ءُُ چپ ءُُ چاگرد ءِ مستریں کتابانی دکان منی بیت اے آوکیں روچاں بلائیں مانا یے دارایت پہ ترا من پسہ دات تئی دست ءَ بوت کنت تو بس ہمے وڑا دل ءَ پر کن ءُُ الکاپ ءَ کار بہ کن ءُُ وتی گراکاں بہ دار ہمے روچ ءَ نیمروچ ءِ وہد ءَ آمئے لوگ ءِ کر ءُُ گوراں اتک ءُُ آئی ءَ بازیں پتاتگیں چیزے دست ءَ ات ۔

آئی ءَ درائینت بزوائے تئیگ انت کہ چہ ہمے تپاتگیں چیزاں یکے شہارے دات ۔من درائینت اے چے یے ؟ جونی ءَ کند ات ۔وت پچ کن ءُُ بہ چارے آئی ءَ درائینت من آ پچ کت کہ کتاب ایر کنگ ءِ پاٹی یے ات کہ سلیں چیزے ات بلئے کاردیوک جونی ءَ گشتگ ات من وتی درستیں گراکاناں اے داتگ ۔ ’’ اے گراں بہائیں چیزے پہ انچوکائی دیگ ءَ جونی اے وڑا تو چہ ءَ کٹاپ بئے۔

آئی ءَ گوں من درائینت من ءَ اے سک ارزان ءَ دست کپتگ انت ۔من اشاں وتی گراکاں دیاں دانکہ چہ من شمشکار مہ بنت ءُُ دائم یات بہ دارانت ۔اے وڑ گڑا شر انت ترا جوانیں مہے گون من درائینت ۔چریشی ءَ پد آ شش رند ءَ اتک ہررند ءَ آئی ءَ تاکبندانی دہ یادوازہ تاک گوں وت برت ۔

آئی ءَ گشتگ ات کہ آجوان کار ءَ انت ایش ہم گشت ئے کہ آ نوں لبرٹی (liberty) ءِ گوما سچرڈے ایوننگ پوسٹ (Satureday Evenning post) ہم بہا کنگ انت ۔پدا آدان دوہپتگ ءَ پدر نہ بوت۔اے چیز ءَ منی سرپر نہ بوہگ ءَ ات ۔الم وڑے است من حیال کت آالم نادراہ بیت یک روچے من جونی تھتگانی دپ ءَ دیست چون ئے جونی ؟ من گشت کجا بوتگ ئے ؟ نادراہ بوتگ ئے ؟ جونی ءَ پسہ دات اناں نادہی نہ بوتگاں ۔جیڑہ چے بوتگ ؟ گپ چے انت ؟ من گشت ۔

’ من جنزگ ءَ اں چداں چہ باز پشت ءَ روگ ءَ اں منی پت لاس اینجلس ءَ روگ ءَ انت جونی ءَ پسہ دات ۔ من گشت ’’ بہ نندجونی من ءَ اے بابت ءَ سرپد کن جیڑہ چے انت ؟‘‘ آ نشت من ءَ توامیں جیڑہ ئے گشت کہ ہمے دوئیں ہپتگانی تہا بوتگ ات آگشگ ءَ ات کہ آئی ءِ پت ءَ شتگ جنے گپتگ نوں من جونی ءَ سر پربیگ ءَ نہ انت ہچ سرپد بوہگ ءَ نہ اں منی پت ءَ ہمے زال گشگ ءَ انت کہ لاس ایجلس ءَ روانت ءُُ منی کر ءَ بیدئے اشانی گوماروگ ءَ دگہ ہچ راہ پشت نہ کپتگ ۔

جونی نوں من تراچے بہ گشاں ؟َ من درائینت جونی ترک ءَ ٹک ات ہچ ئے نہ گشت ۔بے توار ءَ نشت ایں چارگ ءَ اتاں کہ وہد دیما جنزان ات ۔گڈی ءَ من گشت سک حراب بوت تئی دست ءِ بیپار روت ۔ہو من زاناں آئی ءَ پسہ دات بلئے من لاس اینجلس ءَ ہم تاکبند بہاکت کناں پدا آئی ءَ من ءَ گشت کہ آالم روت من پرآئی ءَ نیکیں واہگ درشانت ءُ دست ءُُ دروت بوتاں ۔من پدا یک رندے کاآں پہ تئی گندکی ءَ آئی ءَ من ءَ گشت۔

روچے کہ من لاس اینجلس ءَ پہ تر ءُُ تابے اتک اں گڑا ترا لم ءَ شہر ءِ مستریں کتاب ءِ دکان ءَ گنداں من درائینت۔جونی ءَ بچکندگے جت ۔انچو کہ پہ واتری ءَ راہ گپت ءُُ روان روان ءَ دگ ءِ آسری ءَ رس ات کہ منی چماں گار بوہان بوت ، ہمے گڈی ساہتاں منی چماں آجوانیں بیپاری ءِ دروشم ءَ دیست کہ آ پہ چژناکی زرنگی ءُُ پرمانائی کشک ءَ ات ۔

(Satureday Eevening Post) یک نامیگیں تاکبندے کہ ماں ایشی ءَ ایشی ءَ نامداریں نبشتہ کارانی نبشتانک ءُُ آزمانکانی پجیگ ءَ کارٹون ہم مان بیت ۔اے دمگے کہ ایشی ءَ راسان فرانسسکوءِ تیاب ءَ راچا گردکتگ۔ (ہلاس)