کوئٹہ: اندرون بلوچستان کے مختلف واقعات میں پانچ افراد زخمی، گولیوں سے چلنی لاش برآمد، بارودی سرنگ دھماکہ ، راکٹ فائر ، تفصیلات کے مطابق پنجگور کے سب تحصیل گچک سے اصف ولد نادرخان نامی شخص جو سولبند واشک کا رہائشی ہے کی گولیوں سے چلنی لاش برامد ہوئی ہے جسے علاقہ مکینوں نے اپنی مدد اپ کے تحت ہسپتال پہنچایا ،گوادر شہر میں فائر نگ کے واقعہ سے ایک شخص زخمی ہو اہے ۔

اس حوالے سے پو لیس کا کہنا ہے کہ فائرنگ کا واقعہ ٹی ٹی سی کالونی گواد ر میں پیش آ یا ہے جہاں نا معلو م افراد نے فائر کھو ل دیا جس کے نتیجے میں دل دار ولد علی محمد سکنہ شا پک ضلع کیچ کا رہائشی زخمی ہو گیا زخمی کی حالت خطر ے سے باہر بتائی گئی ہے ۔

زخمی نجی بنک میں ملازم بھی بتا یا جاتا ہے ،کوہلو کے علاقے نساو میں ٹریکٹر ٹرالی سڑک کنارے نصب بارودی سرنگ سے ٹکرا گئی جس کے نتیجے میں ہونے والے دھماکے سے ٹریکٹر ٹرالی پر سوار چار افراد خیرو،جورو،اسحاق اور محمد زخمی ہوگئے زخمیوں کو طبی امداد کیلئے کوہلو ہسپتال منتقل کردیا گیا جہاں ایک زخمی کی حالت نازک بتائی جاتی ہے ۔

لیویز مزید کارروائی کررہی ہے،ڈیرہ بگٹی کے علاقے پیر کوہ میں واقع پراہو میں شرپسندوں کی جانب سے نامعلوم سمت سے دو راکٹ فائر کئے گئے جو ویرانے میں گر کر زوردار دھماکے سے پھٹ گئے تاہم کوئی جانی نقصان نہیں ہوا ،سکیورٹی فورسز نے علاقے کو گھیرے میں لے کر سرچ آپریشن شروع کردیا۔