میرپور: برنالہ کے نواحی گاؤں میں چاروں بہن بھائی ٹینکی میں نہاتے ہوئے ڈوب کر جاں بحق ہوگئے۔
میرپور آزاد کشمیر کی تحصیل برنالہ کے نواحی گاؤں میں ٹینکی میں نہاتے ہوئے 4 بچے ڈوب کر جاں بحق ہوگئے ہیں۔ پولیس کے مطابق بچوں کا باپ لاہور میں مزدوری کرتا ہے جب کہ حادثے کے وقت بچوں کی ماں بازار گئی ہوئی تھی کہ واپسی پر چاروں بچوں کو ٹینک میں جاں بحق پایا۔
پولیس حکام کا کہنا ہے کہ مرنے والے بچوں کی عمریں 9، 7 ، 5 اور 3 سال ہے جن میں 2 بھائی اور 2 بہنیں شامل ہیں۔