لذت ءُُ تام ءِ دیھ مارسیاسؔ ءَ گوں میڑ ءَ اپولو ءَ وشی ءُُ شادمانی ءِ دیھ شہ بانک تالیہؔ (Thalia) ءِ پلہ مرزی ءُُ پشت وانی گوں وت ءَ زرتگ ات۔کوری بنٹیں یا بُلّی ایں ناچو کہ نازرکیں ورنا ات انت ءُُ آہاں وتی پیشانی ءِ زلف سات انت آئی ءِ ہیل کارکت انت کہ آناچ ءِ رہبنداں جوانی سرپد ات انت ۔پدا گردان ءَ آ یک نگور دیمے ءَ اتک ءُُ آھود ءَ گوں یک نیانی ئیں جنکے ءَ دوچار کپت کہ آئی ءَ اپولو وتی گہار ءِ ترانگ ءَ کپت آ یک شکاری یے ات ۔

آئی ءَ آسک پہ تچگ گپت انت ۔ آئیءَ پلنگ ءُُ گرکانی شکار کت ۔وہدے آئی ءَ ہمے جنک گوں یک مزنیں شیرے ءَ مڑگ ءَ دیست کہ آئی ءِ ڈگار ءَ جت گڈا آئی ءِ دل مان بوت کہ آئیءَ وتی بکنت ۔ہمے جنک ءِ نام، سارینےؔ ات۔گورائی ءَ آئی ءِ بوتگیں چک ءِ نام بوت ۔ارس ٹیوسؔ ؔ ۔کہ پدا بنی آدم ءَ را بینگ ءِ دارگ ، پنیر ءِ جوڑ کنگ ،زیتون ءِ کشگ ءُُ دگہ بازیں ہنرے ھئیل دات ۔

آئی ءِ دومی تماشہ گوں کوہ ءُُ جنگلانی دیھ ڈریوپؔ ءَ ات ۔آ گوں آئی ءَ یک کوہ دیمے ءَ پسانی چارینگ ءَ دوچار کپت ۔آئیءَ وتارا گوں درچکے ءَ اندیم کت ءُُ آ شری ءَ چار ات۔چہ آئیءِ بیم ءَ جنگل ءِ دیھاں آ جنک گیڑھ کت ،اے شیتانیں جنکیں دیھ کسہ ءِ جنگ ءَ سک بلد ءَ ات انت ۔اپولوءَ بید ء ودار ءَ دگہ راہ یے نیست ات۔ آئی ءَ ودار کت تنکہ جنگل ءِ اے شرنگیں دیھ برو انت بلئے آ نہ شت انت ۔

دیھ مدام بے صبر بنت ،آہان دیران ودار وش نہ بیت پمشکہ آئیءَ وتارا پاگاسے کت ءُُ چہ درچکانی پشت ءَ درکپت ۔جنگلی دیھ آئی ءِ گندگ ءَ گوں گل بوتاں آہان گوں لٹے ءَ پاگاس اے دیم ءُُ آدیم لیٹینت ۔آ یک جڑشکوکیں پاگاسے ات آئی ءِ پوست سیاہ ءُُ سبز ات کہ درپش ئےِ دات ،ڈریوپ ءَ آ پہ وت ءَ سک دوست بوت ات آئی زرت ءُُ وتی کلوچک ءَ کت ۔

وہدے آئیءِ دزگہاراں نہ من ات گڈا آئیءَ وت ءَ مارے کت ءُُ چہ وتی کلوچک ءَ سرکش ات ءُُُ آہانی سر اپنش ات پہ جنگلی دیھ ترس ءَ پریات کنان ءَ درشت انت ۔ڈریوپ یک وارے بے سدھ بوت پدا کہ سدھ ءَ اتک آ یک دیھ یے ءِ امباز ءَ ات ۔ آہانی بچ ءِ نام امپسّسز ات ۔شہرانی جوڑ کنوک ماڑی ءُُ سجدہ جاہانی بندوک ۔بلئے آئی ءِ نامداریں بچ اسکلی پس(Asclepius) ات ۔

آئی ءِ نامداری ءِ سوب آئی ودی بوہگ ءِ وڑ ءُُ پیم ات ۔اپولو ءَ تیسلے( thessaly) ءِ شہ بانک کورونس دوست بوت۔آئی ءَ آ وتی راہ ءَ آرگ ءِ کوشست کت ،اے آئی ءِ نادانی ات پرچکہ آ یک کوچگی شہزادگے ءِ دوست ات کہ آئیءِ نام اسچئیس ات وہدے آ ئی ءِ لاپ پُر بوت گڈا اپولو یک سفرے ءَ درکپت بلئے یک اسپیتیں گراگے آئی ءِ چاروئی ءَ داشت ۔آ زمانگ ءَ درائیں گراگ اسپیت ات انت ءُُ جنین چکانی جوانیں پانگ پاہ ات انت ،آہانی چم رژنا ات انت ،زبان تژن ءُُ دژمانی ات انت ۔

اے ساہت ءَ اپولو ڈیلپی ءَ شتگ ات اودا یک غیبی توارے ءَ آحال دات کہ اے وہدءَ کورونس ورنائیں اسچئیس ءِ دل ءَ وش کنگان انت ہمے ساہت ءَ گراگ ءَ بال بستاں گل ءَ بال بوت پہ ہمے بنامی ءِ کسہ ءِ آرگ ءَ ۔

’’ تئی میار انت ،پرچکہ تو نزیکی ءَ چاروئی نہ کتگ ،اپولو ءَ گراگ مان زرت ءُُ گراگ ءَ انچو لعنت گوندینت کہ آئیءِ درائیں پٹ بن گپت انت ءُُ ہمے روچ ءَ پد درائیں گراگ سیاہ بوت انت ۔اپولو ءَ آ وت کشگ ءَ دل نہ بوت پمشکہ آئیءَ وتی گہار آ رٹیمس پرمات کہ آئیءِ اے کارءَ بکنت۔ آئی ءِ گہار پرے کار ءَ وش بوت۔آئی ءَ آئی ءِ عاشقی دوست نہ بوت ۔پمشکہ آئی ءَ پہ تیسلے ءَ بال بستاںں ءُُ گوں یک تیرے ءَ کورونس ءِ کار کتاں ۔

اپولو سک پریشان ات آئی ءَ لاش دارانی سرا ایرکت ءُُ آ مان داشت کہ آ ترانگ ءَ کپت کہ آئی ءَ آئی ءِ چک لاپ ءَ انت ۔ہمے ساہت ءَ ہرمس ہم کش ءَ اوشتاتگ ات ۔تنکہ آئی ءِ ارواح ءَ جہندم ءِ گرک ءَ ببارت پرچکہ اے آئی ءِ ذمہ واریان چہ یکے ات ۔ اپولو ءَ ہما دمان ءَ جاور پہم ات انت ءُُ چہ مرتگیں زال ء چکے کش ات ، اے بچکے ات اپولو ءَ چکی کار نیست ات ۔

پدا آئی ءَ گوں ہرمس ءَ گشت کہ آ اے چک ءَ بہ سنبھال ات ہرمس ءَ کشک(راہ) ءَ گمان بوت کہ اے چک ءَ وتی ودی بوہگ ءِ درائیں جاور شری ءَ چاراتگ انت ۔آئیءَ ہرچیز الکاپی ءَ دیستگ ،پمشکہ آ ودی بوہگ ءِ وہد ءَ گریوگ ءَ بے ھال بوتگ ات۔ آئیءَ مارا ت کہ اے یک جتائیں دروشمے ءِ چک اِنت ۔

پمشکہآئی ءَ اے چک کیرون(Chiron) ءَ دات کہ بہ سنبھال ایت ئےِ۔کیرون یک مزنیں سوجکار ءُُ استادے ات ۔کیرون ءَ اے چک ءَ را دِر ءُُ دوچ( آپریشن) نادرایانی زانگءُُ دارو ءُُ درمان ءُُ شکار ئیل دات۔(برجاہ انت)