مستونگ:  دشت کے علاقہ اسپلنجی میں پی ٹی سی ایل کے ٹاورکے قریب دھماکہ۔سیکورٹی کی گاڑی بارودی سرنگ سے ٹکراگئی ایک اہلکارزخمی۔

سیکیورٹی فورسز نے علاقے کو گھیرے میں لے کر سرچ آپریشن شروع کردیا۔تفصیلات کے مطابق گزشتہ علی الصبح دشت کے علاقہ اسپلنجی میں پی ٹی سی ایل کے ٹاورکے قریب بم دھماکہ ہوا جس سے ٹیلی کمیونیکیشن کا نظام متاثر ہوااور علاقے کارابطہ منقطہ ہوگیا۔

واقع کی اطلاع ملتے ہی سیکورٹی فورسز دھماکے کی جگہ کو کلیئر کرنے جارہے تھے کہ فورسزکی گاڑی نامعلوم تخریب کاروں کی جانب سے راستے میں بچائی گئی بارودی سے ٹکراگئی جس سے ایک اہلکارمحمدوقار زخمی ہوگیااور گاڑی کو جزوی نقصان پہنچا۔

سیکیورٹی فورسز نے علاقے کو گھیرے میں لے کر سرچ آپریشن شروع کردیا۔لیویز حکام نے بتایاکہ علاقہ کوکلیئرکرنے کے لئے بم ڈسپوزل سکواڈ روانہ کردیاگیاہے۔