حکومت ءُُ حکومتی بازیں باسکاں پرے گپ ءَ اوشتاتگ اَنت کہ فاٹا کسی ہند ءَ ہوار کنگ مہ بیت پرچکہ اے مقتدرہ ءِ سوڈگ انت ءُُ ہرھساب ءَ منگ بیت۔

بائد وَ ہمیش اَت کہ فاٹا چہ بندات ءَ پاکستان ءَ ہوار کنگ بوتیں ،آھود ءِ نندوکیں مردماں ہما درائیں حق رستگ اِتاں کہ پاکستان ءِ مردماں رسگ ءَ انت۔ 

نیشنل پارٹی ءِ باسک خان عبدالغفار خان ءَ وتی بنکی کاگدان اے منگ کتگ اَت کہ دمگانی جوڑ کنگ گوں قوم ءُپ آہانی زباناں گوں کنگ بہ بیت ۔ایشیءِ تہا تچکی ءَ فاٹا ءَر ا صوبہ ءِ سرحد ءَ بہر کنگ بہ بیت۔

اے منگ ۱۹۵۰ ءَ بندات کنگ بوتگ ءُُ انگت ءَ برجم انت۔انوں ہم اسلام آباد ءَ جتا جتائیں پاڑٹیانی باسکاں زور داتگ کہ فاٹا کے پی کے ءَ ہوار کنگ بہ بیت۔ ایشیءَ ساری ءَ ہم فاٹا ءِ جہگیر ءَ ہمے مطالبہ کنگ ءَ بوتگ ۔وشیں حبرے اے بوتگ کہ حکومت ءِ جوڑکتگیں کمیشن ءَ ہم گشتگ کہ فاٹا ءَ را کے پی کے ءَ ہوار کنگ بہ بیت۔ بلئے زانگ نہ بیت پرچکہ مقتدرہ ءَ اے منگ نہ زرتگ ۔

مرکزی وزیر ءَ فاٹا ءِ جہگیراں گوں دیوان کتگ ءُُ آہاناں سرپد کتگ کہ مقتدرہ ء۔ اے منگ ءِ تچکی ءَ انکار کتگ ،پمشکا نوں اے ہواری بوت نہ کنت ۔اگان چہ گوستگیں منگ ہم مزن اختیاری کمیشن ءَ کتگ اَت ۔ایشیءَ رند مسلم لیگ ءِ حکومت ءَ ہم وتی دست جہل کتان ۔کے پی کے ءَ اگاں فاٹا ہوار کنگ بہ بیت داں آہود ءِ نندوکیں مردماں ووٹ دئیگ ءِ حق رسیت ،دمگی حکومت ءَ ایشانی نمائیدگی رسیت،آ ھود ءِ جہگیر حکومت ءَ ہوار بنت ءُُ پہ وتی راج ءَ جوان کار کرت کناں ۔

آھود ءَ ایف سی آر وڑیں لٹ ءُُ پلیں کانود ء، حکومتی گیش بوہان انت ءُُ لس مہلوک چہ وتی بنکی ھق ءَ چہ ہم زبہر بوہگ ءَ انت۔ درائیں پارٹیاں اسلام آباد ءَ وتی زارشانی درشان کتگ ءُُ حکومت ءِ اے منگ ءَ ساڑی نہ بوتگ انت۔۔

مسلم لیگ چشکہ یک غیر سیاسی پارٹی یے ءُُ آئیءَ را گوں لس مہلوک ءَ ہچ رنگیں سیادی یے نیست انت ۔ آ چشیں زارشانیانی دیم ءَ داشت ہم نہ کنت ۔ پمشکہ مولانا فصل الرحمان ءَ اسٹیڈیم ءِ تالا پروشتگ ءُُ زارشانی کتگ دانکہ اے منگ ءِ راہ گیشتر جنجالانی آماچ بہ بیت ،پرچکہ اگاں فاٹا کے پی کے ءَ ہوار بہ بیت داں جمعیت ءِ سیٹ کم بنت۔ پمشکا مولانا ءِ اے زارشانی سرپدی یے لائق انت بلئے محمود کان اچکزئی ءِ ایشیءِ ھلاپ کنگ چہ سما ءَ دریں چیزے ۔

پرچکہ بلوچستان ءَ افغانستان ءِ مردم ہوار کنگ بنت کہ بلوچ ہچ حساب ءَ ایشی ء، منگ ءَ ساڑی نہ انت ۔ اگاں چش بہ بیت گڈاں محمود کان ءِ سیاسی بادشاہیت بلوچستان ءَ کم بیت ۔

پمشکا محمود خان ہچ ھساب ءَ اے منگ ءِ حق ءَ نہ انت ۔ پمشکا آ مسلم لیگ ءُُ مقتدرہ ءِ کمک ءَ کنگان اِنت۔ اگاں پاکستان ءِ درائیں مزنیں پارٹی اے منگ ءِ حق ءَ اَنت ءُُ ایشیءَ را پہ دائمی کے پی کے ءَ ہوار کنگ ءِ حق ءَ اَنت ۔

پرے گپ ءَ مولانا ءِ پارٹی نزور بیت ہمشکا آئیءَ اے سوڈگ ءِ ھق ءَ انت ۔بلئے بلوچستان ءُ پاکستان ءِ درائیں مزنیں پارٹی ہمے منگ ءِ سرا زور دئیگ ءَ اَنت کہ بائدیں فاٹا کے پی کے ءِ بہر کنگ ءُُ دائم ہمود ءَ ہوار کنگ بہ بیت۔