سنگتان من چہ شمئے دیوان موکل لوٹاں من لوگ ءَ روگ آں۔علی جان مرچاں سک اشتاپ کنئے زانا ں مئے نشار ءَ تئی شپ ءِ دیریں نندگ ءَ پابندی جتگ۔نہ نثار جان منی پل باندا سہب ءَ مہلہ مناکارگس ءَ رواگی انت پرچاکہ باند ا ٹیسٹ ءَ سوب مند بوتگیں مردمانی انٹرویو گرگی انت۔
زاناں تئی کارگس ءَ نوکری اتکگ انت ؟کجام کجام پوسٹ انت ؟تو چے چے جست گرے باندا ؟کمیں بہ نند ما ترا لہتں جستانی سر پدی دیاں۔ ۔۔۔۔منتوار۔۔۔
پدا گوں شما نند ءُُ نیاد بیت ۔چونیں شومیں سنگت انت ہر چی ءِ جست ءَ گرنت عاصمہ بے وس وتی منتءَ شر گشیت تئی سنگت یک کارے نہ انت ءُُ ترا ہم بے کار کتگ انت ہمشانی سنگتی ءَ ہلہ بدے یک روچے چہ نان ءَ کپے۔
عاصمہ زوت کن منا کارگس ءَ دیر بوہگ ءَ انت زاہگاناں وانگجاہ سر کنگی انت تو چیا مروچی ناشتہ دیئگ چو سر کوْک ءِ پیما چو مدان مدان ءَ لڈان ءَ کار کنگ ئے۔۔۔حُدا وت اے نوکیں دورءِ گونکو زدگیں زالبولاں وت سوج بکنت چائے گرادگ ءَ ساری یک رندے گونکو ءَ انسٹگرم ءُُ وٹسپاپہ چارنت۔۔۔۔۔۔۔بزور اے تئی چاہ انوں مہ گش اے چیا چو لہڑ انت۔
کمالو بدئے حال ءَ چنت مردم اتکگ انت پہ انٹرویو دیئگ ءَ؟ واجہ شش ہفت مردم انت دو جنَک انت ءُُ ایدگر مردیں انت گڑا ساری کجاماں گوانک بجاناں۔ایاں یک رندیک رندئے یلہ بدئے کمالو تو چش بکن پہ منا یک چائے بیار پد ا چاراں وتی کارانی بندات ءَ کناں۔سہب ءَ لوگ ءَ منی لوگی ءَ منا انچیں لہڑیں چاہ وارینتگ تو کہ بزان انوں ہم منی دپءَ چے باپے درکپگءَ انت۔
واجہ من اتک کناں!بیا ورنا وتی پجار بکن۔ واجہ منی نام چاکر انت ،من چہ ڈالجان ءَ اتکگاں، من بی،اے ءَ شریں نمبر گپتگ، من کمپوٹرءِ کارمرزی ءَ زاناںءُُ انگریزی چوبزان منی ماتی زبان انت۔ورنا ترا من وتی پجار کنگ ءِ گشتگوں تو چو بے بینڈیں ریڈیو ءِ وڑارپٹفیلءِ اے ڈالجان زاناں ایران ءَ انت۔نہ واجہ منی متبل انت دالبندین۔ گڑا واجہ منی نوکری پک انت۔
تو چش کن دو سد سال ءَ رند بیا گڑا ترانوکری دیاں نوں تو شت کنے۔کمالو دومی مردماں دیم بدئے۔۔۔۔نالالق انٹرویو ءِ راہبنداں سرپد نہ انت اتکہ پہ ا نٹرویو دیئگءَ منی روچ ءِ بندات ھراب انت دیما باریں چون بہ بیت۔۔۔۔اوکمالو چونیں مردماں ٹیسٹ پاس کتگاںیکے ہم تنے وھدءَ منی لوٹاں سرجم کنگ ءَ نہِ انت ۔
منی سر چرگ ءَ انت بیا ترا وتی سیکڑی کناں چرئے نالالقاں تہ کارگسے کاراں شرتر زانے ۔۔۔۔۔ہاہاہاہاہاہا اگہ من انچو وانوک بوتیں گڑا اِدا پیالہ شودگ ءَ امرے نہ گوازنیت۔۔واجہ یک جنکے پشت کپتگ دیم بدیاں۔۔۔ہؤدیم بدئے باریں اے جنک چونیں توپ جنت۔ (برجاہ)