مرچی بزاں ۲۸ نومبر ءَ واجہ اے آرداد ءُُ رحیم بخش مہر ءِ کتابانی دیمدرائی مجلس چہ سید ریفرنس لائیبری ءِ نیمگ ءَ جم دارگ بوت۔دیوان ءِ حاصیں مہمان سید ریفرنس لائبری ءِ کماش ءُُ کارمستر غلام رسول کلمتی ،ءُُ ڈاکٹر رمضان بامری اتاں ۔
ابید چہ ایشان دیوان ءَ بلوچی ڈیپارٹمنٹ ءِ کماش حامد علی بلوچ،گچین مہمان علی دوست،ممتاز بلوچ،عبداللہ بلوچ،نسرین بلوچ ،پناہ بلوچ، منیر عیسی، ءُُ محس بالاچ ہم دیوان ءَ ہوار اِتاں دیوان ءِ پاگوجہی ءَ جئیند جمالدینی ءَ کتگ اَت۔دیوان ءِ بندات چہ قرآن ءِ یات ءَ چہ بوتگ اَت ءُُُ وش اتکی تران حامد علی بلوچ ءَ کتگ ات ۔ وہدے کہ دیوان ءَ گشتانک دئیوکانی تہا ،مسروشاد ،مجاہد بلوچ ،بانک نسرین،محسن بالاچ،علی دوست عاصم زہیر،رمضان بامری، غلام رسول ،جئیند جمالدینی ہوار اِتاں ۔
اے مراگش ءَ گشتانک دئیوکاں واجہ اے آر داد ءِ کتاب’’ من چو جیڑاتگ‘‘ ءُُ بانک نسرین ءِ رد ءُُ بندی ایں کتاب’’ساہگ ابدمان انت‘‘ کہ آئیءَ رحیم مہر ءِ نبشتانک یکجاہ کتگ اَنت ایشانی دیمدرائی ءِ مجلس اَت ۔ایوک ءَ علی دوست ءَ چہ مجلس ءَ در واجہ داد ءِ کتاب ’’ نبشتگیں تاک‘‘ ءِ سرا چمشانکے دات ءُُ آئیءِ بابتءَ دیوان ءَ را سرپدی داتگ ۔ دیوان ءِ درائیں گشتانک دئیوکاں ہر دوکتابانی سرا تران کت ءُُ ایشانی شرءُُ نزوریانی سرا تران کتگ اَنت ہمے رد ءَ واجہ محسن بالاچ ءَ رحیم بخش مہر ءِ یکے نبشتانکے ءِ سرا ایراد گران گشتگ اَت کہ آئیءَ بائد اے نبشتانک ہوار مہ کتیں پرچکہ آسندھی نبشتہ کاراں کہ بلوچءُُ بلوچی زبان ءِ بابتءَ ہچی نبشتہ نہ کتگ آہانی بابت ءَ زانگ پمن انچو ارزشت ندارایت ۔
دومی مسرور شاد ءَ اے آراد اد ءِ کتاب ءِ سرا توسیپی ترانے کتگ اَت ءُُ آئیءَ گشتگ اَت کہ چرے کتاب ءَ بلوچی وانوکانی بازیں شرگداری جیڑگے گیشوار بوت کنت ۔واجہ رمضان بامری ءَ وتی تران ءَ بلوچی زبانءِ نبشتہ رہبند ءِ سرا زورداتگ اَت کہ بائد اے جیڑگ ہمے زوتاں ہلاس بہ بیت اگاں آوکیں وہد ءَ اے گیشتر مانگیش بوہان بیت ۔
آئیءَ اے اوں گشتگ ات کہ سید ریفرنس لائیبریری ہروڑیں کمک ءُُ مدت ءَ ساڑی اِنت اگاں بلوچستان ءِ درائیں ادارگ وت ماں نیادبہ کن اَنت داں اے جیڑگ زوت ہلاس بیت ۔
دیوان ءِ گڈی بہر ءَ واجہ حامدعلی ءَ اتکگیں مردمانی منت گپت ءُُ آئی ءَ ہم رمضان بامری ءِ گپ ءِ پداں وتی ہمراہ داری ءِ جار جت کہ بلوچی ڈیپارٹمنٹ پرے کار ہرھساب ءَ ہمکوپگ ءُُ ساڑی اِنت۔ دیوان ءَ گوں چاہ ءُُ چہر ءَ آسر بوت۔