اے داددنیا ءِ مستریں داد پہمگ بیت۔’’ نوبل داد‘‘ ءِ سروگ ’’ الفریڈ نوبل ‘‘ سویڈ ن ءِ کیمیا داد ،انجینر ،فوجی ءُُ جنگی ازباب جوڑ کنوک لیکگ بیت ۔الفریڈ گانوئیل نوبل ءُُ اندر پتے اہیلسل نوبل ءِ سیمی زہگ انت کہ ۲۱ اکتوبر ۱۸۳۳ ءَ ماں ’’ اسٹاک ہوم‘‘ ءَ ودی بوتگ کہ ماں سویڈ ن ءَ انت ۔

الفریڈ یکبرے گوں وتی کٹم ءِ ہمرائی ءَ سینٹ پیٹر ز برگ روس ءَ شت اود ءَ پہ کار وبار کنگ ءِ ہاترا الفریڈ ءَ تاوان رس ات تہ آ گوں وتی پتءِ ہمرائی ءَ پد ا سویڈن ءَ اتک اد ءَ آئی ءَ دھماکہ کنوکٰں شورہ جوڑ کنگ ءِ بارہ ءَ وانت ءُ بازیں چکاسے کت ۔۳ ستمبر ۱۸۶۴ ءَ آئی ءِ کارجاہ ءَ یک مزنیں دھماکہ یے بوت آئی ءِ برا ت ایمل ءَ ہوار پنچ مردم مرت ۔الفریڈ ءَ سرجمیں امر ءَ آروس نہ کت ءُُ وتی توامیں امر ءِ کٹ ۱۸۹۶ ءَ وتی مرگ ءَ ساری تونل اکاونٹَ نو دلکھ ڈالر جم کتگ ات۔

نومبر ۱۸۹۶ ءَ اوں الفریڈ ءَ وتی زمینانی یک بہرے نوبل داد ءِ ہاترا داتگ ات ءُُ یک نمدی یے نبشتہ یے کتگ ات کہ چہ منی زمیناں ہمک سال اے وڑیں مردماناں کہ آیاں ’’ طبیعات ،کیمیا ،طب ،لبزانک ءِ ایمنی ءِ ہاترا ءَ شریں کرد پیشداشتگ تہ آیاں داد دیگ بہ بیت۔الفریڈ ءِمرگ ءَ پد یک فنڈے ایر کنگ بوت ۔چہ آی ءَ رستیگن نپ نوبل داد ءِ ہکداراناں دیگ بوت ۔نوبل داد ءِ فنڈ ۱۹۶۸ ءَ گیش کنگ بوت ۔

نوبل داد ءِ ٹولی ءَ شش ڈائریکٹر انت کہ ہمک دو سال ءَ پد بدل کنگ بنت ۔سویڈن ءِ بنجاہی شہر اسٹاک ہوم ءَ جوڑ بوتگیں سوئیڈش اکیڈمی اے نوبل داداں دنت ۔پہ سال ۲۰۱۳ ءِ ہاتر ءَ نوبل داد ءِ مراگش ماں اسٹاک ہوم ءَ بوت وہدیکہ اولی مراگش الفریڈ ءِ پنچمی سالروچ ءِ رد ءَ ۱۰ ستمبر ۱۹۰۱ ءَ برجاہ دارگ بوتگ ات ۔نوبل دادانی تہ ءَ یک سہر ءِ ٹکے یک سندے ءُُ دوازہ لکھ ڈالر (ہشت ملین سویڈن کرونا) کہ نوہ لکھ بیست ہزار یورو ءِ نہاد ءَ دیگ بنت ۔

۲۰۱۳ ءَ نوبل داد لبزانک کینڈا ءِ آزمانکارایلس منرو ءَ دیگ بوت ۔آئی ءِ دپتر کسانیں کسہاں چہ ’’ راستیں واب‘‘ ءِ سرا دیگ بوتگ ۔ایلس منرو ءَ آزمانکاری کنگ ءَ گدار ءِ ہمسری ءَ آزمانکاری ءَ را دگہ رنگے بکشاتگ ۔

ایلس منرو۱۰جولائی ۱۹۳۰ ءَ ماں کینڈا ءَ ودی بوتگ ۔آئی ءَ ماں وتی کسان امری نبشتہ کتگ ات آئی ءِ اولی دپتر ۱۹۵۰ ءَ اے وہ دءَ چاپ بوت کہ آئی ءِ امر نوزدہ سال ات ۔ایلس منرو ءِ آزمانکانی اولی دپتر ’’ ھیپی شیڈز‘‘ ءِ نام ۱۹۶۸ ءَ چاپ بوتگ ۔چہ ایشیءَ پد درزنے ءَ گیش آزمانکانی دپتر چاپ ءُُ شنگ بوتگ انت ۔ایلس منرو ءَ کینڈا ءِ مستریں لبزانکی داد ’’ گورنر جنرل ‘‘ اوں رستگ ۔

ایلس منرو ءِ آزمانکانی دپتراں ’’ رن وے ،دئیر لائیف ءُُ ڈانس آف دا ،ھیپی شیڈوز وانگ کرزانت ،نوبل داد تنے وہدی پنچ سد ءُُ شست ءُُ یک رندَ ءَ بہر کنگ بوتگ چہ آیاں لبزانک ءِ پشدر ءَ یک سد ءُُ شش مردم گپتگ سرجمیں داد گروک یک سد ءُُ دہ ات انت تہنا چار مردم کنگی ات ایلس منرو سیزدھمی جنیادم انت کہ آئی ءَ را اے داد رس اتگ ۔

دولت مشترکہ ءِ لبزانکی داد ءِ رسگءَ گوں ایلس منرو ءَ اے دور ءَ کسانیں کس نویسگ ءِ راہشو لیکگ بوت۔