زیوس ءَ پرومیتیس ءِ آس ءِ بنی آدم ءَ دئیگ ءِ جستاں پد بنی آدم ءَ را راہے ءَ روگ ءِ سوڈگ کت کہ آہاں آس زرتگ پرچہ؟ گڈ سرا آئی ءَ جیڑات ،آئی ءَ ہیپائیٹس توار کت ءُُ آئی ءَ را حکم کت کہ چہ گل ءَ یک جنکے جوڑ بکنت پدا آئی ءَ حسن ءِ دیھ ءَ سررنگی بے بدل زرت ءُُ آجلوہ ناک جوڑ کت آئی ءَ ہمے گل ءِ بت ءَ روحے مان کت ۔گل گوشتے بوت ءُُ اژ نوک ءَ وپت ۔پدا آئی ءَ درائیں دیھاں فرمان کت کہ دراہ آئی ءَ سوگاتے سوگاتے بدیاں ۔

اپولو ءَ آئی ءَ سوت ہیل دات ،اتھنے ءَ آئی ءَ را ناچ گشت گوں ،ڈیمٹر ءَ آئی ءَ را باگپانی گشت گوں ،اپروڈئیٹ ءَ آئی ءَ را اے گشت گوں کہ چوں وتی چماں سورین ءُُ مردم آدم ءَ بچار ،ءُُ پداں مہ سرین ءُُ ناچ بکنت ،پوسیڈن آئی ءَ را مرواردانی ہارے دات ءُُ گشت کہ ایشی ءَ بہہ گار مکن گڈ سرا ہرمس ءَ آئی ءَ یک زردیں ڈاکویے دات ءُُ آئی ءَ راکھڈن کت کہ اے زردیں ڈاکو ہچبر ہچ مکن چریشی ءَ پد ہرا آئی ءَ را سکے ( وسوسے) دات ۔

ہرمس ءَ آئی ءِ دست گپت ءُُ جہل ءَ اولمپس ءَ ایر گیتک ، آئی ءَ آ پرومیتیس ءِ برات ایسی میتیس ءِ کر ءَ برت ءُُ گشت پت زیوس ءَ پہ سمے کہول ءِ بدبحتی ءِ سرا گم ءُُ رنج درشان کتگ ءُُ آئی ءَ گشتگ کہ تئی برات کرتگیں کاراں تئی ہچ دست ماں نیست ءُُ تو بے گناہ ئے آئی ءَ بہ تو اے سوگات دیم داتگ ۔اے جنک کہ دنیا ءَ درائیں جنکاں شررنگ ترانت ۔اے تئی جن انت آئی ءِ نام انت پینڈورا ،سوگات کرتگیں ‘‘۔

اپیی میتیس ءَ گوں پینڈورا آروس کت ۔پینڈورا تروتاب کت پہ وتا باگے شرکت ۔سوت ءُُ نازینک ئے جت ناچے کت پہ وتی مرد ءِ حاتر ءَ آئی ءِ دل ءَ آدنیا ءِ بحتی ئیں بانور ات ۔ایوک ءَ یک چیزے ءَ تکانسر ءُُ پریشان کتگ ات ۔

زردیں ڈاکو ءَ بندات آئی ءَ اے ڈاکوساپ کت ءُُ ٹیپل ءِ سرا ایر کت ہرکس ایشی ءَ بگند ات ءُُ ایشی ءِ توسیپ ءَ بکنت ۔بلئے وہدے بدروح درکیت گڈا چہ دریگ ءَ آئی ءِ پشم ہمے زردیں ڈاکو ءِ سرا کپت انت گڈا یشی ءَ چمک جت کہ آئی ءِ چماں لگ ات ۔

آئی ءَ وتی دل ءَ جیڑات کہ ہرمس ءَ آکلا گ گپتگ ،پرچکہ آئی ءَ وش کند جت ءُُ دیھ کلاگ زرتگ ات انت ایشی ءَ ہرکس سہی ات آں ایشی ءَ من ءَ کلاگ گپتگ ،من ءَ گشتگ ئے کہ ہچبر ہچے مکن ،بلئے وہدے کہ اے ڈن ءَ چو جلوہ ناک انت اے تہا چون بیت چون آئی ءَ ایشی ءِ تہا پمن sarprisc ءِ ایر کتگ مہرگ نیست ! ہنچیں مہرگ من بہہ نہ دیستگ انت ۔

وہدے اے ڈاکو چشیں گران بہائیں چیزے گڈا سے چیز چہ ایشی ءَ گران تر ءُُ شر تر انت ءُُ سوگات ہمیشی ءِ نام انت ۔ ہرمس بلکیں ہمے ودار انت کہ من کدی اے ڈاکو ءِ دپ ءَ پچ کناں ءُُ اے گران بہائیں سوگاتاں بگنداں ءُُ آئی ءِ منت ءَ بگراں ۔من اگاں چومکناں گڈا آ گشیت کہ اے نیکی بدحرامے ہمے وہ دءَ کہ آ وتارا اے گپاں گشگاں ات اوں آ اے گمان ءَ ات کہ بائدیں آ ڈاکو ءِ دپ ءَ پچ مکنت ءُُ وتی کول ءِ سرا نند ایت ۔

گڈا سرا آئی ءَ اے ڈاکو زرت ءُُ دگہ امبارے ءَ برت ءُُ ایر کت ۔بلئے اے اودا ساہگ ءَ ہم ہمے وڑا درپشگ ءَ ات ڈاکو ءِ اے درپشگ چوٹارچ ءَ آئی ءِ پہم ءَ روک ات ۔

آ ہروہد ءَ کہ اے امبار ءِ کرا گوست آئی ءَ سروک دات ءُُ چارات کہ باریں ڈاکو چون انت ،باز رند ءَ آئی ءَ اے ڈاکو چہ جاگہہ چست کت چٹ ات ءُُ چارات ءُُ پدا اناگت ءَ اشتاپی زرت ءُُ چیر دات ءُُ وت چہ کوٹہ ءَ درکپت 
( برجاہ)
Heros,Gods and ,Monsters of the Greek Myths