آئی ءَ اے زرت ءُُ یک ششمے پیتی یے ءَ کت ۔اے پیتی گوں سانکلاں پتات ۔ شت وتی باگ ءَ کنڈے جت ۔ہمے پیتی کنڈ ءَ کت ءُُ باردات ءُُ یک بلائیں سنگے لیٹ دیان کت ءُُ آئی ءِ سرا ایر کت ۔

وہدے ہیپی میتس شپ ءَ لوگ ءَ اتک گڑا آئی ءَ دیست کہ آئی ءِ ملگور شنگ ءُُ شانگ انت ءُُ دست شکوراتگ انت ،آئی ءِ پشک درتگ ءُُ چل ات بلئے آئی ءَ آئی ءَ را گشت کہ آ دیریں وتی باگ ءَ کار ءَ بوتگ ۔اے شپ ءَ ماہکان آئی ءِ کوٹی ءَ درپش ات۔آ واب نہ کپت ۔ماہکانی ءَ آئی ءِ چم بند بوہگ ءَ نیشت انت ۔آ وتی نپاد ءِ سرا نشت ءُُ اے دیم ءُُ آدیم ءَ چارات ئے۔

درائیں کوٹی ماہکان ءَ اوژناگ کنگ ءَ ات ۔ہر چیز بدل بوتگ ات ۔نگرہیں ساہگ ءُُ نکش آئی ءِ دیم ءَ بال ات انت آ بے تواری چہ نپاد ءِ سرا پاد اتک ءُُ ڈن ءَ درکپت آ تچک ءَ باگ ءَ شت ۔پل آتار ءُُ درچک لڈگ ءَ ات انت گشے درائیں دنیا ماہکان ءِ شیریں رژنائی ءَ ناچ ءَ ات ۔آ ہما مزنیں سنگے ءَ کر ءَ شت ءُُ آئی ءِ لیٹینت ءُُ دور کت ۔سنگ ئے چو سنگک ءَ دور کت ۔آئی ءَ مارات کہ انشپی آ سک زور ءَ مند انت آئی ءَ بردے زرت ءُُ کنڈ ءِ کلونڈگ ءَ لگ ات ۔

آئی ءَ سانکل پچ کت انت ءُُ ۔اے سک سرد ات سک سرد ات ہنچو سر د ات کہ آئی ءِ دست ئے سوتک ۔آئی ءَ لرزگے چیر کپت اے ڈکو ءَ چے مان ،اے نوں آئی ءِ زندمان ءِ مستریں راز ات ؟ کہ آئی ءِ زانگ پرائی ءَ ہچش ات کہ نوں اے راز ءَ بزانت یابمرات ءُُ نرم نرم ءَ ڈاکو ءِ کبل پچ کت تہا لیککانی مزنیں سیٹ گپے ات کہ سرات ءُُ کپت انت بلئے اشانی بوسک نہ وش ات ۔

ہنچو کہ آئی ءِ ڈاکو ءِ دپ ہچ کت آئی ءَ دیست کہ ماہکانی ءِ کسانیں لیکک کہ چو کٹار ءِ وڑ ات انت بال بوت انت اشاں چہ پرک ءِ وڑا بانزل جت ءُُ اشانی چم روک ات انت ۔

اے لیلکاں چہ ڈاکو ءَ بال کت یکبرے آئی ءِ سرے سرا مچ بوت انت وتی بانزلے جت انت پیرپر ءُُ پسک پسک ئے کت ۔پدا گوں ہمے تواراں شپ ءِ تہاری ءَ شنگ بوت انت آئی ءَ گوں نادلکشی ءَ ڈاکو وتی کونڈانی سرا ایر کت ہمے دمان ءَ درائیں لیلک درکپت انت بلئے آئی ءَ اشتاپی ءَ گڈی دیھ ئیں لیلک گپت کہ روگ ءِ واستہ زور جنگ ءَ ات اے لیلکءَ آئی ءَ چانکر پاتک بلئے پینڈورا ءَ آ گپت ءُُ پدا ڈاکو ءِ تہا کت ءُُ دپ بیت ۔

پدا آئی ءَ ڈاکو دور دات ءُُ پریشانی بوت ءُُ شت اے ترسناکیں لیلک چے ات انت کہ شپ ءِ تہاری ءُُ گار بوت انت اے دراہ حرابی ات انت کہ بنی آدم ءِ چاگرد کت حسد نادراہی گوں وتی درائیں رنگ ءُُ دروشماں ،پیری ڈکال ،گنوکی ،ءُُ ایندگہ سیلی ءُُ گندگی ،وہدے ایشاں چہ ڈاکو ءَ بال کت ۔اے شنگ ءُُ شانگ بوت انت ہرچ لوگ ءَ شت انت ءُُ درنگ بوت انت ءُُ وہدے آہانی وہد کیت بال کن انت ءُُ مردماں ڈنگ جن انت ۔آہاں درد ءُُ رنج دئینت ءُُ مرگ ءِ آماچ کن انت اے وہد ءَ دنیا سک حراب بوتگ ات پرچکہ پنڈورا ہما لیلک کہ گپت ءُُ بست آ چہ درستاں ترسناک ات ۔

اے پیش گیشی کنوکیں لیلک ات ۔اگاں اے آزات بوت انت گڈا دنیا ءَ ہرچ مردم ءَ وت زانت کہ ہمروچ آئی ءِ بحت ءَ چے است ءُُ چے نیست گڈا امیت دنیاءَ پشت نہ کپت ۔اے وڑا گڈا بنی آدم ءَ دنیا نشت نہ کت ۔بنی آدم پمشکہ ءَ درائیں گم ءُُ رنجاں سگ ایت ۔بنی آدم بئید ء امیت ءَ زندگ بوت نہ کنت۔