عبدالجمید گوادری ء، مرگ پہ بلوچی زبان ،بلوچ راج ءِ بلوچستان ءَ ہنچیں کنڈے کہ ہچبر گرگ نہ بیت ۔بلوچی نوکیں شاعری ءِ برزتریں منگاں یکے ،استاد عبدالمجید گوادری بلوچ نوکیں دور ءِ بنداتی دور ءِ شاعراں ہوار انت کہ 1951 ءَ دیم ءَ کیت ۔

واجہ علی عیسیٰ استاد عبدالمجید ءِ اولی کتاب ’’ گلیں باندات‘‘ ءِ پیش لبز ءَ نبشتہ کنت کہ آ نزانت کہ استاد ءَ کدی شاعری بنا کتگ بلئے وہدے علی عیسی ءُُ عبدالمجید گوادری بچ وتی اسکول ءِ زمانگ ءَ آئیءِ کر ءَ وانگ ات انت گڈ ا ہما زمانگ ءَ واجہ عبدالمجید گوادر گوار یک شئیرے دپترے است ات کہ آئی ءِ گشگ ءِ ردا اے 1962 زمانگ ات اے گپ ءَ درا بیت کہ عبدالمجید گوادر ی ءِ شاعری ءَ ہمے وہد ءَ بنا کتگ ۔

اگان اے گپ گشگ بہ بیت گڈا زبان کزا نہ بیت کہ اے وہد ءَ بلوچی نوکیں شاعری استا مجید ہما شاعر انت کہ آئی ءَ چہ درستاں گیش شعر نبشتہ کتگ ۔اے وہد ءَ آئی ءَ کم چہ کم 17 کتاب چاپ بوتگ آئیءِ اولی کتاب ’’ گلیں باندات‘‘ انت ءُُ آئیءِ گڈی کتاب ( اشکنگ ءَ )مہلنج ءِ شراب ھانہ‘‘ انت کہ گمان انت کہ 2018 ءَ چاپ بوتگ ۔عبدالمجید گوادری ءِ شاعری گیشتر راجی شاعری انت کہ دستونک ءِ دروشم ءَ انت بلئے لچہ ہم جوان نبشتہ کتگ ۔

عبدالمجید گوادری شاعری جوان تریں گپ ایش انت کہ آئیء، پش در بلوچ ،بلوچی ءُُ بلوچستان اتن دومی مستریں گپ ایش انت کہ آ چو سید ظہور شاہ ہاشمی ءِ وڑا گیشتر ہنچیں لبز کارمرز کنت کہ بلوچ چاگرد ءَ نوں ہمروچی زند ءَ کارمرز نہ بنت ۔

شاعری اے وڑیں لبزانی کارمرز کنگ اے وڑا گران انت کہ یکے اے وانوکے ءِ پیم ءَ ہوش ءَ نہا تن ءُُ دومی ایش کہ ہرچ ءُُ ہچائیں شاعر ءِ وس ءَ دربیت کہ آ ہرروچی زند ءَ کارمرزی بوکیں لبزاں انچو کارمرز بکنت کہ وانوک ءِ اے گمان مہ بیت کہ اے لبز گوں آئیءَ پجاروک ءُُ شناس نہ انت ۔ عبدالمجید گوادری شاعری ءَ اے کمال بوتگ کہ آئیءَ اے وڑیں لبز انچو کارمرز کتگ اتن کہ وانوک ءَ ہچبر اے گمان نہ بیت کہ اے لبز پرائی ءَ درآمد انت ۔

اے وڑا ستاد ءَ بلوچی ءِ گاریں لبزانی یک مڈی یے ءُُ گنجے بولچ زبان ءَر ا دوبر بکشاتگ ہمے حاترا آئی ءِ بابت ءَ طارق پیشکانی ءَ گشتگ کہ استاد ءَ من ءَ گشتگ کہ شاعری ءِ حاتر اے زلوری انت کہ آئیءِ گورا لبزانی مزنیں امبارے بہ بیت وہدے استاد ءِ شاعری چارگ بیت گڈا اے گپ وتارا وت پدرا کنت کہ استاد ءِ گورا لبزانی چونیں مڈی یے بوتگ ءُُ آئیءَ اے مڈی ءَ را چون کارمرز کتگ ۔

عبدالمجید گوادری شاعری ءَ یک پگرے ءِ منوک ات کہ پگر بلوچءِ وشحالی آجوئی ءُُ گوں بلوچ دوداں مہر ءُُ محبت ءِ پگر ات آئیٗ، دارائیں شاعری ءَ بلوچ دودمان ءُُ بلوچ میار ءِ پاسداری پگر ءِ رد ءَ انت ءُُ دیم ءَ کیت ۔

انچوکہ گش انت کہ قرآن شریف دل سورتی فاتحہ انت ماپہ استاد ءِ شاعری ءِ بابت ءَ ہم اے گشت کنیں استاد ءِ شاعری ءِ دل ’’ ماچکیں بلوچانی انت کہ ہما کہ استاد ءِ شاعری ءِ بنگپ انت آ آئیءِ اے شعر ءَ سرجم ءَ پدر کتگ ءُُ گشتگ ۔

23 فروری 2018 اے ھاترا پہ بلوچ ءَ وشیں روچے زانگ نہ بیت اے روچ ءَ بلوچی زبان ءِ مزن نامیں شاعر ءُُ بلوچ ءِ مزنیں دوزواہ 
ءَ اے کوڈہیں دنیا یلہ کت ءُُ شت اللہ آئی ءِ آخرت ءِ سفر ءَ آسان بکنت ۔