ایس،ایلیٹ impersonalازم ءِ لیکہ ءَ ءُُ آئی ءِ سرجمیں درانگازی ءَ وتی classicist تب کہ آ شائری ءُُ ازم ءِ نیمگ ءَ اِنت کہ یک جوانیں رنگے ءَ آئی ءَ وتی نبشتانک Tradition and individual talentءِ تہ ءَ سہرا کُتگ اَنت۔ایلیٹ وتی impersonalityءِ لیکہ ءِ پریچگ ءِ ھاتراپیسرا شائرے ءِ سیادی گوں گوست ءَ ءُُ دومی نیمگ ءَ لچہ ءِ سیادی گوں نبشتکار ءَ چکاس اِیت۔

آئی ءِ پگر ءِ رِدءَ گوست کدی نہ مریت،آموجودہ وھد ءِ تہا زندگ بیت۔”ھچ چوشیں شائر ءُُ ازمکار ے نیست اِنت کہ ایوک ءَ چیزاناں متلب ءُُ بزانت بدنت۔آئی ءِ ارزشت ءُُ مول ءُُ مراد نمیرانیں شائرءُُ ازمکارآں ءَ گوں سیادی اِنت”۔کُلاں چہ آدیم ،ازمکار ءُُ شائر ءِ واست ءَ الم اِنت کہ لبزانک ءِ ھما گوستگیں traditionآناں چہ کار بِگراَنت کہ ھمائی ءَ گوں بندوک اِنت۔

ماایوک ءَ شائر ءَ را ارزشت دات نہ کنیں :ماآئی ءَ ھما زبان ءِ نمیرانیں شائرآنی میان ءَ پہ comparisionءُُ تپاوت کنگ ءِ ھاترا ایر بکن اِنت۔آوتی لیکہ ءِ دومی بہر ءِ تہا شائر ءِ سیادی ءَ گوں لچہ ءَ چکاس اِیت۔آئی ءِ رِدءَ،لچہ ءَ را ھچ وڈیں سیادی گوں شائر ءَ نیست ۔matureایں شائر ءِ ذہن ءِ ءُُ immatureذہن ءِ میانءَ تپاوت ایش اِنت کہ ،یک Matureایں شائرے ءَ را درانگازی ءِ ھاترا گچین ایںMediumاست۔

ٹی،ایس،ایلیٹ ءِ سسا ھمیش اِنت کہ شائر ءُُ لچہ دوجتائیں چیزاَنت،ھما دیم ءَ آؤکیں مارشت ،دیدیا emotionکہ چہ لچہ ءَ دیم ءَ کیت بلکل یک جتائیں چیزے چہ لچہ کارے ذہن ءِ مارشت ءُُ دید ءَ۔ازم ءِ مارشت چہ ذاتی مارشت ءَ پہک ءَ جتااِنت ۔دومی لبزانی تہ ءَ چو اے وڈ گشگ بیت کہ شائر ءَ را الم اِنت passiveءُُ impersonalبہ بیت۔

لیکہ ءِ پریچ ءِ ھاترا،ایلیٹ کیمیکل Reactionءِ analogyءَ را دیم ءَ آؤرتگ۔وھدے آکسیجن ءُُ سلفرڈی اوکسائیڈ platinumءِ موجودگی ءَ ھور ءُُ تور بنت۔آ سلفرس ایسڈ جوڈکن اَنت،اے یکجائی ھما وھدءَ ممکن بیت کہ platinumموجود بہ بیت ۔platinumھما catalystانت کہ اے کیمیکل reactionءِ processءَ کمک کنت ،بلئے زاھر ءَ وت اثرمندنہ بیت۔

شائر ءِ ذہن platinumءِ پُرزہ ءِ رنگ ءَ اِنت۔ایشی ءِ موجودگی تہنا ھمئے واست ءَ اِنت کہ ھمئے تجربگ ءِ ھورءُُ توری ءَ دیم ءَ بیاریت ھمئے ھاترا کہ آیک کسانیں شئرے بہ بیت(انچوش کہ آکسیجن ءُُ سلفرڈی آکسائیڈ ءِ ھوری ءَ سلفرس ایسڈ جوڈ بیت۔)ایلیٹ گشیت کہ ،شائر ءِ کار اے نہ اِنت کہ نوکیں مارشت شوہاز بہ کنت ،بلئے ھمئے ہرروچیگیں مارشتاں شائری ءِ تہ ءَ انچیں رنگے ءَ کارمرز بہ کنت ،کہ آ سرجمی ءَ مارشت بہ بنت کہ نہ اَنت۔

ازم ءِ مارشت Impersonalاِنت۔ایشی ءَ را وتی زند لچہ ءِ تہ ءَ است انتءُُ نہ کہ شائرآنی راجدپتر ءِ تہ ءَ۔ھمئے ھاترا، جوانیں نگدکاری ءُُ دل پہکیں توسیپ پہ شائری ءَ بہ بیت نہ کہ پہ شائر ءَ۔شائر ءِ زند ءِ باروا وانگ مہ بیت ؛لچہ ءِ structureءُُ آئی ءِ جمالیاتی تاگت گیش ارزشت داراَنت۔