پگمیلین(Pygmation) یونان ءِ متھالوجیکل کسہانی تہا اے یک مزنیں بت سازے بیت ءُُ کول کنت کہ بہہ سور نہ کناں چیاکہ جنیناں ایش ءَ راسک دل آزار کتگ ات بلئے یک روچے سگ مرمر ءَ گوں یک جنینی بتے اڈ کنت ءُُ دل ءَ جیڑایت کہ ایش منا دل آزار نہ کنت۔

اے بت انچو ڈولدار ءُُ زیبا بیت کہ پگمیلین ایشیءِ سرا عاشق بیت ایشیءَ گوں گپ کنت ،لنٹان اش چک ایت ،گوں وت ہور واپینت ئے ءُُ دستانی گپت بلئے ایشیءِ بدل آئیءَ را ہچ نہ رسیت آ آئی ءِ ململیں گد گور ءَ دنت پل ءُُ گلاب بکشائیت ءُُ وتی بانورے کنت آئیءَ را یک نامے ( Galatea) گلاٹی پر کنت ۔

آ پرئی ءَ تلوسیت ءُُ زنرریت چہ گوں من گپ بکن آ دعا کنت کہ ایشیءَ ساہ چیا مان نیست گڈا پہ ایفر وڈائٹی ءَ کہ آ مہر ءِ ہدا دیں عاشق پہ دوا ءُُ پریات آئی ءِ مندر ءَ درونج بنت کہ آہانی پریاتاں گوش بہ داریت کہ ماں عاشقاں پگمیلین ہم ہوار بہ بیت ءُُ ہمے امیت ءَ داریت کہ آئی ء، مہر کہ بتے آئی ءَ را ساہ مان بہ بیت ۔وہدے لوگ ءَ واتر کنت داں وتی سنگ ءِ بت ءَ دست جنت گڈا گندیت کہ آ گرمیں لنٹانی کہ چکیت گڈا ماریت کہ ناگت ءَ نرم بوتگاں وہدے گلائشے کنت ءُُ بچکندیت ءُُ پرآئی ءَ بدل ءَ پہ مہر آئی ءِ چماں درپش دیاں بت حبر کنت ءُُ گیشت نوں بچار منارا ساہ مان بوتگ ۔

اے وڑ ءَ آئیءِ دل ءِ مراد پیلو بنت ءُُ گوں ہمے جنک ءَ آئی وت سور ءُُ آروس کنت ءُُ چریشی ءَ آئیءَ را یک چکے بیت کہ آئیءِ نام ءَ پاپوس ( Paphos)ایر کنت۔
ندکا ا:۔۔ہمے کسہ ءِ پداں یک شعرے من ٹہینتگ کہ اے وڑ انت 
من چو پگمیلین ءَ 
بتے من جوڑ کتگ پہ دست 
گوں واہگاں دل ءِ وتی
رگانی ہون زرتگاں 
رجینتگ انت من لنٹ تئی
تئی دیدگانی کدہیں زرانی 
سبزی مان کتگ
ہمک گلاب ءِ پل من
زرتگ ءُُ لنٹاں ئیگاں ایر کتاں
ءُُ چم تئی چہ گیدی ءِ سیہل ءُُ زال ءَ زرتگ انت 
تئی مہپرانی جڑ گوں جمبرانی 
ٹکراں بدل کتاں ترا اوں نامے مہنو ءِ من پر کتگ
چوپگملین ءِ وڑا ترا پہ دابے شرکتگ
گوں کندگاں تئی پری
پہ سور ءُُ سانگے نئیت ءَ تو کنداِتگ
( اے کسہ چہ Greck Gods and Heroesءَ زورگ بوتگ)