دالبندین: پہلی فرصت میں دالبندین ٹو چاغی سٹرک کی تعمیر و مرمت کریں گے دالبندین کو گیس نوکنڈی کو بجلی کی فراہمی ترجیحات میں شامل ہے دالبندین میں کیڈٹ کالج کے قیام کا اعلان چیئرمین سینٹ حاجی محمد صادق عمرانی نے اپنے دو روزہ دورہ دالبندین کے موقع پر صوبائی مشیر سخی امان اللہ نوتیزئی کی جانب سے سرگیشہ میں دی گئی ۔

عشائیے جمعیت کے صوبائی رہنما سردار نجیب سنجرانی کی جانب سے دیئے گئے ظہرانے اور داؤد آباد میں نوجوان قبائلی شخصیت میر اسفند یار محمد زئی کی جانب سے دیئے گئے ناشتے کے موقع پر مقامی میڈیا قبائلی عمائدین اور سرکاری آفیسران سے خطاب کے دوران کہی ۔

قبل ازیں انہوں نے چاغی کے قریب واقع زیارت کے مقام پر حضرت سید بابا بلا نوش کے مزار پر حاضری دی اور چادر چڑھائی اس دوران چار بیلوں اور متعدد بھیڑ بکریوں کا صدقہ بھی دیا گیا اور مقامی لوگوں نے جانور ذبح کی اس موقع پر چیئرمین سینٹ حاجی محمد صادق سنجرانی نے کہاکہ ہمیں اپنی بزرگ ہستیوں کی نقش قدم پر چلنا چاہیئے جو کہ لوگوں کی بھلائی کا سبق دیتے رہے ہیں ۔

دالبندین میں انہوں نے کہاکہ چاغی ٹو دالبندین سٹرک کی ناگفتہ حالت دیکھ کر انہیں احساس ہوا کہ مذکورہ سٹرک کی معیاری کمپنی کے ذریعے تعمیر اشد ضروری ہے اور پہلی فرصت میں یہ سٹرک این ایچ اے کے حوالے کر کے معیاری کمپنی سے تعمیر کر کے لوگوں کو سفری سہولیات فراہم کردیں گے ۔

دالبندین میں کیڈٹ کالج کا قیام ناگزیر بن چکا ہے اور دور دراز کے طلباء اس کالج سے مستفید ہو سکیں گے اس لئے کیڈٹ کالج بنانے کا اعلان کرتا ہوں دالبندین کو گیس فراہم کر دی جائے گی تاکہ جنگلات کو محفوظ رکھا جا سکے نوکنڈی کو بجلی کی فراہمی ترجیحات میں شامل ہے ۔

انہوں نے کہاکہ چاغی کے نوجوانوں کو اپنی تمام تر توجہ حصول علم پر مذکور رکھے وزیراعلیٰ کے مشیر میر اعجاز سنجرانی سردار عبدالرشید ریکی میر زاہد علی ریکی حاجی قادر بخش نوتیزئی اے سی جیب اللہ موسی خیل نیشنل پارٹی کے میر یوسف نوتیزئی سردار رفیق شیر قبائلی رہنما میر شاہ سوار یا رمحمد زئی میر نور علی سنجرانی سردار داؤد خان سنجرانی حاجی محبوب علی سنجرانی حاجی احمد علی سنجرانی ٹھییکدار میر حبیب الرحمن ریکی ملک سمیع اللہ نوتیزئی سردار نعیم خان سنجرانی سردار وسیم سنجرانی سیٹھ برج لعل سردار عبدالغیات چیئرمین تاج محمد کبدانی ٹھیکیدار عبدالخالق ریکی ظاہر ریکی صحافی برادری سمیت دیگر معززین بڑی تعداد میں موجود تھے ۔

دریں اثناء چیئرمین سینیٹ محمد صادق سنجرانی نے کہا کہ سینیٹ میں بطور چیئرمین میرا انتخاب بلوچستان میں تبدیلی کا باعث ہوگا یہ بھی بلوچستان کیلئے بڑے اعزاز کی بات ہے کہ آج ایوان بالا میں صوبے کی نمائندگی موجود ہے جس سے پورے بلوچستان میں خوشی کی لہر دوڑ گئی ہے اپنے عمل اور کارکردگی سے مخالفین کو شکست دونگا ۔

ان خیالات کا اظہار انہوں نے نوکنڈی میں اپنے رہائشگاہ میں صحافیوں سے بات چیت کرتے ہوئے کیا انہوں نے کہا کہ سینیٹ میں بہترین قانون سازی کرکے بلوچستان کے عوام کی احساس محرومیوں کو دور کرنے اور عوام کو ترقی کیلئے ٹھوس اقدامات کیے جائینگے ۔

انہوں نے کہا کہ وفاق سے بلوچستان کے عوام کیلئے دو یا تین میگا پراجیکٹس لیکر یہاں سے غربت اور بیروزگاری کا خاتمہ کرکے صوبے کو ترقی یافتہ صوبوں کے برابر ترقی دے سکیں ۔

انہوں نے کہا کہ سینیٹ کمیٹیوں کے ذریعے سی پیک کے مغربی روٹ بارے معلومات لیکر جلد کام شروع کراکر یہاں کے لوگوں کو بھی سی پیک کے ثمرات میں شامل کرینگے ۔

انہوں نے کہا کہ امسال بجٹ میں دالبندین کو گیس فراہم کر نا شامل ہوگا جس سے ضلع چاغی ترقی کی راہ پہ گامزن ہوگا اور دور جدید کے سہولیات سے عوام مستفید ہوسکیں گے ۔

انہوں نے کہا کہ حلقہ این اے 268 کو تین آضلاع نوشکی چاغی اور مستونگ تک محدور کریں گے تاکہ مختصر حلقے کے وسائل سے عوام بھرپور فائدہ لیکر ترقی کی راہ پہ گامزن ہوجائیں ۔

انہوں نے کہا کہ نوکنڈی میں بجلی کا مسئلہ حل ہوگیا ہے جسکے فنڈز کیسیکو کے کو ٹرانسفر کردئیے گئے ہیں ایک ہفتے میں ٹینڈر ہوکر اس پراجیکٹ پہ کام شروع ہوگا انہوں نے کہا کہ میرا تعلق نوکنڈی سے ہے آج یہاں اپنوں کی محبت اور جوش وجزبہ دیکھ کر دلی خوشی ہوئی ۔

انہوں نے کہا ویلفئیر اینڈ لیبر سکول نوکنڈی میں کلاسز دو مہینے میں شروع کرائینگے انہوں نے کہا کہ نوکنڈی سمیت پورے بلوچستان کے عوام کی تعمیر وترقی میں اپنا بھرپور کردار ادا کرونگا اور عوام کی معیار زندگی بلند کرنے میں جامع منصوبہ بندی کی جائیگی ۔

علاویں ازین چئیرمین سینیٹ محمد صادق سنجرانی کا عوامی ،سیاسی اور قبائلی عمائدین، نے شہر سے پندرہ کلومیٹر دور کوہ سلطان لانڈی پہ والہانہ انداز میں استقبال کیا جہاں ہزاروں کی تعداد میں لوگوں نے فرزند نوکنڈی محمدصادق سنجرانی کو جلوس کی شکل میں انکے رہائشگاہ سنجرانی ہاوس لایا گیا ۔

جہاں دالبندین،نوکنڈی،تفتان،ماشکیل ،سیندک اور دیگر علاقوں سے آئے ہوئے لوگوں کا چئیرمین سینیٹ محمدصادق سنجرانی نے خیریت دریافت کی اور بلوچی حال احوال کیا اس دوران مہمانوں کے اعزاز میں پرتکلف ظہرانہ بھی دیا۔