بلوچستان ءَ وَ چشیں حاسیں فنڈایبلیں اکیڈمی یے نیست انت کہ آ وتی درائیں واہگانی پیلوئی ءَ کت بہ کنت ہمااکیڈمیاں کہ سرکارءِ نیمگ ءَ دست مُشتیں گرانٹے رسگان انت گوں آئیءَ واہگانی پیلوئی دوریں گپے وتی بنکی کار اوں سرجم نہ بنت۔

دومی گپ ایش انت کہ بلوچستان ءِ پدا درائیں اکیڈمیاں کہ آ گیشتر چاڑکگ ءُُ کارکنوک اَنت چوکہ سید ہاشمی اکیڈمی گوادر ،بلوچی اکیڈمی کوئٹہ ،براہوئی اکیڈمی ،بلوچستان اکیڈمی تربت ،سید ریفرنس لائیبریری کراچی ،استین شنگکار، ء اے دگہ بازیں است انت بلئے اے درائیں اکیڈمیاں سرکار ءِ نیمگ ءَ چشیں گرانٹے دئیگ بوہگ ءَ انت بلئے اے اکیڈمیاں چہ بلوچی اکیڈمی کوئٹہ ءِ کارگشاداں وتی وس ءُُ واک ءَ ہمے کسانیں گرانٹے ءَ گوں دلجمیں کار کتگ چنائی ءَ کسان کسانیں وَ باز کار اکیڈمی ءَ بوہگ ءَ انت۔

کہ بازیں مردم مپت ءُُ ناحق اکیڈمی ءِ کارگشادانی بڈ ءَ کپتگ کہ اے کار نہ کناں اے وَ دروگے ہرکس ءَ کہ اکیڈمی وت اتکگ ءُُ دیستگ داں آ آئیءِ کاراں چہ زانوگرانت عہدی بلوچاں گشت کہ روچ ءَ را وتی رژن ءِ درور دئیگ ءِ حاجت نہ انت۔بلئے ہمے نوکتریں کار کہ اکیڈمی ءَ بندات کتگ اے سک باز ستا کرزیت ۔آ کار بلوچی اکیڈمی ءِ کتابانی پہ مپت بلوچی وانوکاں سرکنگ انت ۔

بزاں ہما درائیں ادارگ ،ہما درائیں مردم ،ہما درائیں دربرجاہ ءُُ کدگاں پہ مپت کتابانی روان دئیگ اکیڈمی ءِ کارانی مستریں چیدگ اِنت۔

بلوچی اکیڈمی کوئٹہ ءَ را دوسال ءَ برزانت کہ آئی ءَ کتابانی پہ وانوکاں مپت بہر ءُُ بانگی کنگان انت ۔بلوچی اکیڈمی ءِ اے مستریں کاراں چہ یکے زانگ بیت آ وتی زبان ءِ ہما کہ بنکی کار انت ہماآں کنگ ءَ انت اگاں ایشیءِ گرانٹ کمو گیش بہ بیت داں چد ءُُ شرتر کار کرت کنت ۔بلوچی اکیڈمی چشین کہ بلوچستان ءِ مستریں ادارگ انت ءُُ میان استمانی جاہ ءَ ہم بلوچی اکیڈمی ءِ یک مکامے است انت۔

بلوچی اکیڈمی اے کار ءِ باز مردماں ساڑ کتگ ءُُ بازیں مردماں ایراد گپتگ کہ اکیڈمی ءِ مپت کتابانی دئیگ ءَ چہ آوانی کارو بار حراب بوہگان انت پرچہ پہ زر ءَ نوں کتابانی بہا گرگ ءِ دود ہلاس بوہان انت کہ اکیڈمی ءِ چئیر مین واجہ ممتاز ءُُ وائس چیئر مین واجہ سنگت رفیق ءِ گشگ انت۔

کہ بلوچ راج وت بزگ ءُُ شدکیں اکیڈمی ءِ درائیں کار وتی قوم ءِ حاتر ءَ انت پہ کاروبار ءِ واست ءَ نہ انت پمشکہ آہاں وتی چاپ کتگیں درائیں کتابانی پہ مپت بہر ءُُ بانگ کنگ ءِ جار جتگ ءُُ چہ وتی گشاد ءَ بلوچستان ءِ کنڈ کنڈ ءَ بلوچی کتابانی بہر ءُُ بانگی ءَ گلائش انت ۔انوں بلوچی اکیڈمی ءَ بلوچی ٹو انگلش ءُُ انگلش ٹو بلوچی لبز بلد ءِ کاراں ابید بلوچی انسائیکلوپیڈیا ءِ کاراں کنگ ءَ دلمانگ انت۔

اے دوئیں کار پہ زبان ءُُ لبزانک ءَ ارزشت داریں کار اَنت بلئے اکیڈمیءِ گورا انچیں وسائل ءُُ زر نیست انت کہ آ اے کار ءَ چہ وتی کمیں گرانٹ ءَ کت بہ کنت پمشکا بائدانت کہ بنجاہی سرکار ءُُ دمگی سروک ءُُ لیڈر پرے کار ءَ گوں اکیڈمی ءَ دست کمکی بہ کن اَنت دانکہ زبان ءُُ لبزانک ءَ را گیش ءَ چہ گیش دیمروئی دات بہ کن اَنت ۔

چنائی ءَ اے کار اکیڈمی ءِ نہ اَنت بلکیں سیاسی سروکانی انت بلئے اکیڈمی ءِ کارگشاداں اے کار اوں وتی کوپگاں زرتگ اَنت اگاں چہ اکیڈمی اے کاراں ابید ساز ءُُ زیملی مجلس ،وتی کماش ءُُ سروکانی سالروچ ءُُ ودی روچانی جم دارگ یاکہ لبزانکی اے دگہ نیاد ءُُ دیوان اوں کت کنت بلئے اکیڈمی ءِ کارگشادانی گشگ انت کہ اے کاراں چہ ارزشت دارتریں کار انگت است انت کہ کنگ لوٹ اَنت۔