کوئٹہ/ تمبو : بلوچستان کے علاقے بھاگ میں 11 ہزار ہائی ٹرانسمیشن لائن بجلی کی تار ٹوٹ کر ٹریکٹر ٹرالی پر گرنے سے چار خواتین جاں بحق جبکہ بچوں سمیت6 افراد جھلس کر زخمی ہو گئے۔

یہاں آمدہ اطلاعات کے مطابق گزشتہ روز بلوچستان کے علاقے بھاگ میں ایک خاندان کے افراد جس میں خواتین مرد اور بچے شامل تھے جو ٹریکٹر ٹرالی پر جا رہے تھے کہ بھاگ میں راستے میں ہائی ٹرانسمیشن لائن11 ہزار واٹ کی تار ٹوٹ کر ٹریکٹر کی ٹرالی پر گرنیس ے اس میں سوار چار خواتین در بی بی ،رقیہ بی بی، رابعہ بی بی اورصبیحہ بی بی موقع پر جاں بحق جبکہ ٹریکٹر ٹرالی میں سوار بچوں اور خواتین سمیت6 افراد جھلس کر زخمی ہو گئے۔

واقعہ سے علاقہ میں خوف وہراس پھیل گیا اور مقامی انتظامیہ نے موقع پر پہنچ کر زخمیوں اور لاشوں کو ہسپتال منتقل کر دیا لاشیں ضروری کا رروائی کے بعد ورثاء4 کے حوالے کر دی گئی مزید کا رروائی مقامی انتظامیہ کر رہی ہے۔

پاکستان تحریک انصاف بلوچستان کے صدر سردار یار محمد رند نے بھاگ میں 4 خواتین کی ہلاکت اور چھ کے زخمی ہونے پر افسوس کا اظہارکر تے ہوئے کہا ہے کہ میں متاثرہ خاندان کے اس غم میں برابر شریک ہوں میری دعا ہے کہ اللہ تعالیٰ مرحومین کو اپنے جواررحمت میں جگہ دیں اور پسماندگان کو یہ صدمہ برداشت کرنے ہمت اور توفیق دیں اور زخمیوں کو جلد صحت عطا فر مائے۔