درانگازی انچیں گالبندے کہ اے گیشتر کسمانک ، نقشکشی ءُُ لچہ کاری ءَ کارمرزبیت انت ۔اے گالبند ءِ بندات بیستی کرن ءَ بوتگ پرچکہ ساری ءَ Impressionismبوتگ بلئے مردماں چہ ایشانی نقشکشی ءَ دم برتگ گڑا رند ءَ درانگازی وجود ءَ اتکگ ۔ درانگازی نقشکشی ءِ توک ءَ گیشتر چیدگsymbolپیشدارگ بوتگ ءُُ پدا امپریشنزم ءَ چہ گیش نقشانی تہ ءَ درانگازی پیش اش داشتگ ۔

واجہ اے آرداد ءَ وتی کتاب ’ لبزانکی گالبند‘‘ ءِ توک ءَ Expressionismءِ ستا چو کتگ کہ ’’ درانگازی بندر ءَ عکسکاری گالبند انت ۔ ایشی ءِ گیش ءُُ گیوار ہربرٹ ریڈ ءَ چوکررتگ نوکیں عکسکاری ءِ تہ ءَ درانگازی ءَ مزنیں بستارے است ایشی ءِ مانا ءُُ متلب ایشی ءِ لبزا ءِ تہ ءَ انت ۔اے دنیا ءَ در(خارج) ءَ اندی( داخلی) درانگازی ءِ منت ءَ دیم ءَ کاریت،نقشکشی ءِ تہ ءَ درانگازی یک مکتبے کہ اے مکتب ءِ نامداری نقشکشاں وان گوک ،رینوائرشی ژانے ،پال گوگین ہوار انت ۔

باز کس چہ نزانتکاری ءَ ہمے سرپد بیت کہ ندکار ھرچی گندایت ءُُ آئی ءَ درشان ایت آدرانگازی انت بلے چونا ہا ھرکس وتی درانگازی ءَ کنت درشانگ انسان ءِ لاچاری یے ۔اگاں ہمے درشان ءُُ درانگازی ءِ کار ءَ مہ کنت گڑاھچے نہ انت گالبندے رد ءَ درانگازی ءِ وتی مانا ءُُ بزانتے ءُُ ایشی ءَ رازیبائی( جمالیاتی) شرگداری ءِ رم ءِ چیزے زانگ بیت کروچے ءَ درانگازی ءِ لیکہ ءَ بیان کنان ءَ درائینتگ کہ ندکار انچو جہد بہ کنت آ ساچشت ءِ تہ وتی درائیں جبزگ ءُُ مارشتاں درانگاز کت نہ کنت بازیں چیزے پشت کپ ایت وانوک وتی پگر ءُُ ھیال ءِ منت ءَ ہمے ھورکیں کنڈ ءُُ جاھاں پر کنت ماں کروچے ءِ درانگازی ءَ درنگیبی( وجدان) ءِ مزنیں بہرے است ۔

ایکسپریشنزم ءَ ۱۹۰۹ بگرداں ۱۹۲۳ ءِ توک ءَ آشوب آرتگ ۔پرچکہ جرمنی ءِ توک ءِ نقشکشاں ھرچ نقشے کہ جوڑ کتگ گیشتر درانگازی ءَ ھمگرنچ بوتگ انتکہ چہ نوکیں سوچ ءُُ پگرے ازمکاراں وتی درانگازی گیشتر کتگ ۔

جرمنی ءِ توک ءَ بازیں مردماں درنگازی ءِ درچ ءَ نقش جوڑ کرتگ ۔اے ہما نقشکش بوتگ انت کہ ایشاں وتی نقشکشی ءِ توک ءَ علامت پیش داشتگ ءُُ گیشتر اندری مارشت ءُُ جبزگ وتی نقشانی تہ ءَ درشان کتگ انت اشانی مستریں نام ونسسٹ دان گوگ ءُُ پال گوگین ءَ وتی نقشانی تہ ءَ ذگریں رنگ کامرزکتگ ات انت جرمنی ءِ توک ءَ جنینی نقشکشے کہ نامے پاولاماڈرسوان بوتگ ایشیءَ ماں وتی نقشاں ہروہد ءَ ابرم پیش داشتگ ۔

جمبر ،ھور، درچک ،دار ءُُ جلواناکیں ندارگ سازتگ ایشی ءَ symbolism ُُٗءُُ naturalism ھردویکجاہ کتگ ات انت ءُُ رند ءَ ایکسپریشنزم دست ءَ زت ۔پدا ایکسپریشنزم ءِ نقشکشے ایمائل گولڈے بوتگ ۔

اشی ءَ ۱۹۶۷ ءَ داں ۱۹۵۶ ءَ انچیں نقشکشی کتگ کہ اشانی درانگازی کسمانک ءِ رنگ ءَ دروشم ءَ بوتگ آسٹریا ءِ توک ءَ کوکاشکادرانگازی ءِ مزنیں نقشکشے بوتگ۔ ایشیءَ چہ شررنگی ءَ گشی ماں وتی نقشاں درانگازی پیش داشتگ ات ۔

ایشی ءَ انچیں بے پدگیں نقش جوڑ کت کہ دراں ڈیھ کنگ بوت ءُُ سوئزلینڈ ءَ سرے کش ات ۱۹۰۴ ءَ بگرداں ۱۹۱۰ ءَ ایشی ءَ تبگرنچیں پورٹریٹ جوڑ کتگ کہ نامے کش ات ءُُ پدا برلش ءَ شت ءُُ اود ءَ وتی مہتاک ئے کش ات ءُُ درانگازی ( ایکسپریشنزم) ءِ بابت ءَ نبشتہ کت کہ وہدے من نقش کشگ ءَ باں گڑا من انچوش ماراں کہ ماں نقش ءَ من وتی باہنداں ماں کنگ ءَ آں پدا نقش نقشے نہ بیت بلکیں منی وتی جند ءِ باہند ءُُ مارشتانی ندارگے جوڑ بیت ۔

درانگازی ماں جہان ءَ چہ نقشکشی ءَ بنگیج بیتگ ءُُ پدا ماں لچہکاری ءَ سربوت درانگازی گیشتر ماں مہرانکی ( رومانیت) ءِ دور ءَ دیم ءَ آرگ بوت ءُُ ابرمی لچہ کاری ءِ گیشتر پیش دارگ بوتگ اولسر ءَ دنیا ءِ تہ ءَ لانجاسل ءَ وتی لیکہانی توک ءَ درشان کتگ کہ ماں لچہکاری ءَ درانگازی بہ بیت ۔

پدا مہرانکی دور ءَ ورڈزورتھ ءُُ کالرج ءَ ہم درانگازی ءِ گپ جتگ ءُُ زیبداری شرگداری ءِ مردم کروچے ہم پہ لچہکاری ء جوانتری ءِ درانگازی ءِ منوگر بیتگ ۔نوکیں امریکی شرگداری ءِ مردم جان کروسنیم کہ آئی ءَ وتی کتاب The new Criticism وہدے نبشتہ کت گڑا آئی ءَ ہم ماں لچہکاری ءَ درانگازیExpressionsmءِ پلہ مرزی کتگ ۔