اسلام آباد: پاکستان پیپلز پارٹی کے چیئرمین بلاول بھٹو زرداری کا کہنا ہے کہ کھوکھلے نعروں اور جھوٹے دعووں سے ملک ترقی نہیں کرتا۔

اسلام آباد میں مختلف وفود اور پارٹی رہنماؤں سے بلاول نے زرداری ہاوس میں ملاقات کی۔ اس موقع پر بلاول کا کہنا تھا کہ کھوکھلے نعروں سے ملک ترقی نہیں کرتا، ملک ترقی اس وقت کرے گا جب مزدور اور کسان معاشی طور پر مضبوط ہوںگے۔

بلاول بھٹوزرداری نے عہدے داروں کو ہدایت کی کہ سیاسی عمل میں دیرینہ کارکنوں کوساتھ رکھیں، یہ کارکن بینظیر بھٹو شہید کی طاقت تھے اور میری بھی طاقت ہیں۔

بلاول نے چئرمین تحریک انصاف عمران خان پر تنقید کرتے ہوئے کہا کہ جو کے پی میں ایک شاہراہ، یونیورسٹی، کالج تعمیر نہیں کرسکتے وہ ملک کا کیا حشر کریں گے۔

انہوں نے کہا کہ پختونوں کوشناخت پیپلزپارٹی نےدی، پیپلز پارٹی ہی پختونوں کو حقوق دلا کر صوبہ اورعوام کی ترقی کی ضامن ہے۔