اے وہد ءَ بلوچستان ءِ مہلوک ءَ درائیں پاکستان ءَ اے اعزار حاصل انت کہ اے صوبہ ءِ مردم چہ پاکستان ءِ ایندگہ صوبہانی مردماں چے گیش سیاسی سنچ ءُُ بود ءِ واہند انت ءُُ اگان بلوچستان ءُُ سیاسی منظر نامہ چارگ بہ بیت گڑا گندگ ءَ کیت کہ بلوچستان ءِ مردمانی تہا مکران ءِ مردم سیاسی حساب ءَ چہ بلوچستان ءِ ایندگہ ہند ءُُ دمگانی مردماں گیش باشعور ءُُ زانتکار انت ۔

ایشی ءِ یک مثالے ایش انت کہ بلوچستان ءِ ایندگہ دمگ چوکہ سبی،کچھی ،لسبیلہ ، جھالاوان ، ءُُ سروان اگاں چارگ بہ بنت گڑا اے دمگاں بازیں وفاقی پارٹی ءِ اثر رسو ئے است انت بلئے مکران اے وہد ءَ ہم ہما یکیں دمگ انت ۔

کہ اودئے مردم انگت گوں بلوچ قوم پرست مہلوک ءَ ءَ گوں بندوک انت تنگہ گوں درائیں سیاسی چست ءُُ ایراں پد ہم مکران ءِ مہلوک ءَ وتارا چہ راج دوستیں سیاست ءَ گستا ءُُ یکر نہ کتگ بلئے مکران ءِ مہلوک ءِ اے بدبحتی انت کہ سرداری ءُ قبائلی نظام نہ بوہگ ءَ ابید ہم آ دیمروئی کہ مکران ءَ بوہگی ات آ انگت ءَ گندگ نہ بیت گمان بیت کہ 1988 ءَ بگردان 2018 مکران ءِ ہما نمائندہ کہ اسمبلیاں بوتگ انت آہاں وتی مہلوک ءِ زلورت ءُُ واہگانی پدا کار نہ کت۔

گ ہمے کار نہ کنگ ءِ سوب ءَ مکران ءِ مہلوک چہ راج دوستیں گلاں دلپروش ءُُ ناامیت انت ۔ اگاں 2013گچین کاریاں پد اولی رند ء۔ مکران ءِ مہلوک ءَ وزارت علی ٰ اگدہ ہم دئیگ بوتگ ات اگاں وزیراعلی چہ وتی کہول ءُُ تربت سٹی ءَ ءَ دراتکیں گڑا بلکیں مکران ءِ مہلوک ءَ سیاسی سہارہ یے بہ رستیں بلئے اے مردماں گوں وتی سیاسی ناپختگی ءَ مکران ءِ باشعوریں مہلوک ءَ رپینت چہ سیاست ءَ دلپروش کتگ ۔

اے گپ ادا گیر آرگ بہ بیت کہ مکران ءِ مہلوک چہ سیاسی چست ءُُ ایراں اینکس دلگران ءُُ دلپروش نہ انت کہ گشگ بیت اے وہد ءَ ہم چاگردی رسانک درچارگ بہ بنت گیشتریں سیاسی چست ءُُ ایر مکران ءَ گندگ بنت بائدیں بلوچ راج دوستیں گل اے سیاسی چست ءُُ ایرانی نپ ءُُ سیت ءَ بزورانت پرچکہ بوت کنت مکران ءِ ہمے سیاسی شعور ءُُ زانت ایندگہ بلوچستان ءِ رہدربری ءَ بکنت بلئے ایشی ءِ بندات ءَ مکران ءِ سیاسی کماش ءُُ سیاسی گل گوں اے کار ءَ کت کن انت ۔

کہ اے وہد ءَ کیچ ءَ جان محمد شتی وڑیں وژنری ءُُ جہان دستیں ،وانندگ ءُُ کتہ کاریں مردمے کہ دیم ٗ۔ اتکگ ،آئی ءَ را بائدیں سپورٹ بکن انت پرچکہ جان محمد دشتی ءِ کرتگیں کار چہ کس ءَ چیر ءُُ اندیم نہ انت ۔ جان محمد دشتی یک غریب دوستیں مردمے ءُُ آئی ءِ دل پہ مکران ءِ مہلوک ءِ دیمروئی ءُُ آئی ءِ ہاترا بازیں پیش بندی است ءُُ موجود انت ۔ اگاں مکران ءِ سیاسی زانتکار ءُُ شہ زانت جان محمد دشتی وڑیں مردمے دیم ءَ آرگ ءِ مہلوک ءَ کمک ءُُ مدد بکن انت گڑا اے سیاسی گل ءُُ مردمانی جند ءِ آکبت ءَ یک جوانیں چیزے بوت کنت۔

پرچکہ واجہ جان دشتی ءَ را واجہ حدا ءَ اے سنچ ءُُ بود داتگ کہ آ مکران ءِ مہلوک ءِ بھروسہ ءُُ یقین ملک ءِ پارلیمانی نظام ءِ سرا برجاہ کت بہ کنت پرچکہ آئی ءِ تہا کار کنگ ءُُ کارگرگ ءِ صلاحیت موجود انت اے درگت ءَ مکران سیاسی زانتکار ءُُ سیاسی گل بائدیں جان محمد دشتی وڑیں راج دوستے ءِ دیم ءَ ہچ وڑا امیت وار میار انت ءُُ ہمے پہ مکران ءِ سیاسی کلچر ءِ آکبت ءَ یک جوانیں چیزے ءِ چیدگ بوت کنت ۔